امریکا میں مسلسل فائرنگ کے واقعات، آج بھی 3 افراد ہلاک

امریکا

واشنگٹن: امریکا کی مختلف ریاستوں میں فائرنگ کے واقعات میں اضافہ ہوگیا، آج بھی تین شہری اپنی زندگی سے ہاتھ دھو بیٹھے۔

تفصیلات کے مطابق امریکی ریاست اوکلاہوما کے شہر ڈنکن میں فائرنگ کا واقعہ پیش آیا، جس کے نتیجے میں 3 افراد ہلاک ہوگئے، یہ واقعہ سپراسٹور کے پارکنگ ایریا میں پیش آیا۔

غیر ملکی خبررساں ادارے کے مطابق مبینہ طور پر حملہ آور نے 2 افراد کو قتل کرکے خود کو گولی مارلی، ہلاک ہونے والے حملہ آور نے پستول سے 8 گولیاں فائر کیں، یہ واقعہ علی الصبح پیش آیا۔ پولیس حکام کا کہنا ہے کہ ہلاک ہونے والے افراد آپس میں رشتے دار ہیں۔ البتہ شناخت ظاہر نہیں کی گئی۔

یاد رہے کہ گزشتہ روز امریکی ریاست کیلی فورنیا کے شہر فریسنو میں فائرنگ سے 4 افراد جاں بحق جبکہ 6 افراد زخمی ہوئے تھے، فائرنگ کا واقعہ اس وقت پیش آیا جب گھر میں تقریب جاری تھی۔

ایران میں پٹرول مہنگا ہونے کے خلاف احتجاج، ہلاکتیں 36 ہوگئیں

اس سے قبل گزشتہ ماہ امریکی ریاست کیلی فورنیا کے ایک گھر میں ہیلووین پارٹی کے دوران مسلح شخص کی فائرنگ کے نتیجے میں 3 افراد ہلاک اور 9 زخمی ہوگئے تھے۔ واضح رہے کہ امریکا میں رواں سال اب تک ماس شوٹنگ کے 250 سے زائد واقعات ہوچکے ہیں اور امریکی سوسائٹی میں اس سب کو لے کر بے پناہ تشویش پائی جارہی ہے۔

(Visited 7 times, 1 visits today)

Comments

comments

اپنا تبصرہ بھیجیں