غلام سرور خان نے متبادل وزارت لینے کا فیصلہ قبول کرلیا

متبادل وزارت

اسلام آباد: وفاقی وزیر غلام سرور خان نے وزیراعظم کی جانب سے متبادل وزارت لینے کا فیصلہ قبول کرلیا۔

ذرائع کے مطابق وزارت پیٹرولیم سے ہٹائے گئے غلام سرور خان نے وفاقی وزیر ہوابازی کی حیثیت سے ذمہ داریاں سنبھالنے پر رضا مندی ظاہر کردی ہے۔ ذرائع نے بتایا کہ غلام سرور خان پیر یا منگل کو نئی وزارت کی ذمہ داریاں سنبھالیں گے۔

ذرائع کے مطابق وفاقی وزیر کا کہنا ہےکہ وزیراعظم عمران خان میرے کپتان ہیں، ان کا ہر فیصلہ قبول کرتا ہوں، فیصلہ کیا ہے کہ عمران خان کے ہاتھ مضبوط کرنے ہیں۔

loading...

غلام سرور خان کا کہنا تھا کہ ایوی ایشن کی وزارت کو وزیراعظم کے وژن کے مطابق چلاؤں گا، عمران خان مجھے وزارت نہ بھی دیتے تو ان کا فیصلہ قبول کرلیتا۔

غلام سرور خان نے بھی متبادل وزارت لینے سے انکار کر دیا

واضح رہے کہ کابینہ میں رد و بدل کے نتیجے میں غلام سرور خان کو ناقص کارکردگی پر وزارت پیٹرولیم سے ہٹاکر وزارت ایوی ایشن دی گئی تاہم ابتدا میں انہوں نے وزارت کی تبدیلی کا وزیراعظم کا فیصلہ ماننے سے انکار کیا اور پارٹی چھوڑنے کی بھی دھمکی دی۔

Comments

comments

اپنا تبصرہ بھیجیں