یوٹیلیٹی اسٹورز میں رمضان پیکیج کے بعد کئی اشیاء مہنگی!

یوٹیلیٹی اسٹورز

اسلام آباد: یوٹیلیٹی اسٹوز کارپوریشن نے روز مرہ کے استعمال کی کئی اشیاء مہنگی کردیں۔

یوٹیلیٹی اسٹورز کارپوریشن نے حکومت کی جانب سے 2 ارب روپے کا رمضان ریلیف پیکیج منظور ہونے کے بعد گھی، چائے اور مشروبات سمیت روز مرہ کی کئی اشیاء کی قیمتوں میں اضافہ کیا ہے جو 4 سے 175 روپے تک ہے۔

کوکنگ آئل کے مختلف برانڈ میں 9 روپے فی لیٹر تک اضافہ کیا گیا ہے جب کہ گھی 5 روپے فی کلو تک مہنگا کردیا گیا۔

چیک ریپبلک کی ماڈل کو8 سال قید اور جرمانے کی سزا کا حکم!

اس کے علاوہ چائے 6 روپے سے 65 روپے اور مشروبات کی قیمتوں میں 7 روپے سے 21 روپے تک اضافہ کیا گیا جب کہ کیچپ 4 روپے سے 24 روپے اور ٹوتھ پیسٹ 5 روپے تک مہنگا کردیا گیا ہے۔

کپڑے دھونے کا صرف 9 روپے سے 30 روپے، شیمپو 30 روپے سے 40 روپے اور جوتوں کی پالش 10 روپے تک مہنگی کردی گئی۔

یوٹیلیٹی اسٹورز کارپوریشن کی جانب سے قیمتوں میں اضافے کا نوٹیفیکیشن جاری کردیا گیا جس کے بعد قیمتوں میں اضافے کا اطلاق ہوگیا ہے۔

loading...

Comments

comments

اپنا تبصرہ بھیجیں