پاکستان نے اقوام متحدہ میں نفرت انگیز بیانات کے خلاف 6 نکات پیش کردیے

اقوام متحدہ

نیویارک: پاکستان نے نفرت انگیز بیانیوں کے پھیلاؤ کے خلاف اقوام متحدہ میں 6 نکاتی لائحہ عمل پیش کردیا۔

اقوام متحدہ کے ہیڈکوارٹرز میں پاکستان اور ترکی کی جانب سے خصوصی تقریب کا اہتمام کیا گیا جس میں پاکستان کی مستقل مندوب ملیحہ لودھی نے پاکستان کا نفرت انگیز بیانیوں اور اسلامو فوبیا کے پھیلاؤ کے خلاف 6 نکاتی لائحہ عمل پیش کیا۔

خبر رساں ادارے ‘اے پی پی’ کے مطابق تقریب میں مختلف ممالک کے نمائندگان نے شرکت کی اور پاکستان کے نفرت انگیز بیانیوں اور اسلامو فوبیا کے خلاف لائحہ عمل کو مؤثر قرار دیا۔

اس موقع پر ملیحہ لودھی نے کہا کہ اسلامو فوبیا کا بڑھنا خطرناک صورتحال ہے جو تعصب، نسل پرستی اور تفریق کی نشاندہی کرتا ہے اور اسلام دشمن تعصب عصر حاضر میں نفرت انگیز بیانیے کی سب سے بڑی مثال ہے۔

سلیکٹڈ غیر پارلیمانی لفظ نہیں، پابندی وزیراعظم کی انا کا مسئلہ ہے، بلاول بھٹو

انہوں نے کہا کہ اسلامو فوبیا کو روکنے اور اس کے خاتمہ کے لیے وزیراعظم عمران خان نے فوری اقدامات بھی کیے ہیں اور اس حوالے سے وہ مختلف فورم پر بات چیت بھی کرچکے ہیں۔ ملیحہ لودھی کا مزید کہنا تھا کہ لائحہ عمل نفرت انگیز بیانیوں بالخصوص اسلام دشمن تعصب کے پھیلاؤ میں کمی میں مدد دے گا۔

(Visited 8 times, 1 visits today)

Comments

comments

اپنا تبصرہ بھیجیں