پاکستانی فلم ‘ریڈی اسٹیڈی نو‘ 19 جولائی کو ریلیز کی جائے گی

ریڈی اسٹیڈی

پاکستان: پاکستانی ماڈل و اداکار آمنہ الیاس کی نئی فلم ‘ریڈی اسٹیڈی نو‘ 19 جولائی کو سینما گھروں کی زینت بنے گی۔ فلم ’ریڈی اسٹیڈی نو‘ حیشام بن منور کی ہدایت کاری میں بننے والی فلم ہے جس کی کاسٹ میں آمنہ الیاس سمیت سلمان شاہد، فیصل سیف، زین افضل، نرگس رشید اور اسماعیل تارا شامل ہیں۔

فلم کا ٹریلر بھی جاری ہوچکا ہے جب کہ فلم کی کہانی ایک نوجوان جوڑے کے گرد گھومتی ہے جو کہ شادی کرنے کے لیے بیتاب ہے لیکن انہیں شادی میں کئی مشکلات کا سامنا کرنا پڑتا ہے۔

محبت میں گرفتار لڑکے اور لڑکی کے والدین بھی اس شادی کے لیے رضامند نہیں ہوتے۔ حالیہ انٹرویو میں ماڈل اور ادکارہ آمنہ الیاس کا کہنا تھا کہ ان کی “ریڈی اسٹیڈی نو” فلم سے بہت امیدیں وابستہ ہیں، ہاشم بن منور ایک بہترین ہدایت کار ہیں اور ان کا اس فلم کو بنانے کا واحد مقصد لوگوں کو تفریح فراہم کرنا ہے۔

آمنہ الیاس نے فیملی کامیڈی فلم میں اپنے کردار کے بارے میں بتاتے ہوئے کہا کہ میں اس فلم میں رضیہ کا کردار ادا کر رہی ہوں جو کہ ایک لڑکے سے بے حد محبت کرتی ہے اور اس سے شادی کرنے کے لیے کچھ بھی کر سکتی ہے۔

“ریڈی اسٹیڈی نو” میں آمنہ الیاس اور فیصل سیف کے علاوہ سلمان شاہد، اسماعیل تارا، نرگس رشید، زین افضل اور احمد بلال جو کہ طیفا ان ٹربل میں بلو بٹ کے کردار میں نظر آئے تھے، جلوہ گر ہوں گے۔

(Visited 8 times, 1 visits today)

Comments

comments

اپنا تبصرہ بھیجیں