حسن علی کی اہلیہ کی پاکستان آمد

حسن علی

پاکستان کرکٹ ٹیم کے فاسٹ باؤلر حسن علی نے رواں سال اگست میں بھارتی دوشیزہ سامعہ آرزو سے شادی کرکے زندگی کے نئے سفر کا آغاز کیا تھا۔

ان دونوں کی شادی کی شاندار تقریب دبئی میں منعقد ہوئی تھی، جبکہ شادی سے قبل مہندی کی تقریب کی تصاویر اور ویڈیوز بھی سوشل میڈیا پر خوب وائرل ہوئیں۔

بیلا حدید نے 600 درخت شجرکاری کے لیے عطیہ کرنے کا اعلان کیا ہے

حسن علی اور ان کی اہلیہ نے شادی سے قبل دبئی میں ایک رومانوی فوٹو شوٹ بھی کروایا تھا جسے جہاں مداحوں نے پسند کیا وہیں کچھ نے ان کی نجی تصاویر کو تنقید کا نشانہ بھی بنایا۔

حسن علی کی اہلیہ سامعہ آرزو دبئی سے نجی ایئرلائن کے ذریعے گزشتہ روز سیالکوٹ پہنچیں، ایئرپورٹ سے یہ دونوں گوجرانوالہ پہنچے جہاں اہل خانہ نے سامعہ کا استقبال پھول نچھاور کرکے کیا۔

کرکٹر حسن علی کی اہلیہ کی پاکستان آمد

کرکٹر حسن علی کی اہلیہ کی پاکستان آمد

Posted by Updates on Saturday, 30 November 2019

سوشل میڈیا پر وائرل ایک ویڈیو میں حسن علی اپنے گھر میں اہلیہ کے ساتھ موجود ہیں، سامعہ کے استقبال میں پورے گھر کو پھولوں سے سجایا ہوا ہے، جبکہ سامعہ اپنے بیڈ روم کی سجاوٹ کو دیکھ کر بھی حیران رہ گئیں۔

حسن علی کی والدہ کا میڈیا سے بات کرتے ہوئے کہنا تھا کہ انہوں نے اپنی بہو کے لیے رات کے کھانے میں بریانی اور مٹن قورمہ تیار کیا۔

خیال رہے کہ حسن علی کی منگیتر بھارتی ریاست ہریانہ کی رہائشی ہیں۔

سامعہ آرزو نے مانو رچنا یونیورسٹی سے ایرو ناٹکس کی ڈگری حاصل کی اور اس وقت ایمریٹس ایئرلائن میں بطور فلائٹ انجینئر کام کر رہی ہیں۔

ذرائع کے مطابق ان دونوں کی پہلی ملاقات فلائٹ میں ہی ہوئی اور ان دونوں میں شادی سے قبل ایک سال سے ملاقاتوں کا سلسلہ جاری رہا۔

(Visited 9 times, 3 visits today)

Comments

comments

اپنا تبصرہ بھیجیں