خلیجی ممالک میں عید الاضحیٰ 1 ستمبر کو ہو گی: کویتی میڈیا

کویتی شعبہ فلکیات اور سپیس سائنس نے اعلان کیا ہے کہ خلیجی ممالک میں عید الاضحیٰ 1 ستمبر کو منائی جائے گی۔
کویت سٹی: کویتی شعبہ فلکیات اور سپیس سائنس کی جانب سے جاری پریس ریلیز میں کہا گیا ہے کہ 23 اگست بروز بدھ کو ذوالحج 1438ھ کی پہلی تاریخ ہو گی۔ اسی مناسبت سے یوم عرفات 31 اگست جبکہ عید الاضحیٰ 1 ستمبر کو منائی جائے گی۔
خیال رہے کہ گزشتہ ہفتے سعودی عرب کی حکومت نے عید الاضحیٰ کے موقع پر 16 چھٹیاں دینے کا اعلان کیا تھا، تاہم متحدہ عرب امارات میں ابھی تک عید کی چھٹیوں کا اعلان نہیں کیا گیا ہے۔ عام طور پر یو اے ای میں عید الاضحیٰ کے موقع پر تین چھٹیاں دی جاتی ہیں۔
دوسری جانب سعودی عرب کی عدالت عالیہ نے آج مورخہ 21 اگست کو ذوالحج کا چاند دیکھنے کا اعلان کیا تھا۔ سپریم کورٹ کی جانب سے تمام مسلمانوں سے اپیل کی گئی تھی کہ وہ اگر چاند دیکھیں تو اس کی شہادتیں مقامی کورٹ میں جمع کرائیں اور جو مسلمان عدالت میں پہنچنے کی سکت نہ رکھتے ہوں وہ پولیس کو اس بارے میں اطلاع دیں۔ عدالتی حکم میں کہا گیا تھا کہ اگر ذوالحج کا چاند آج نظر نہ آیا تو عوام آئندہ روز بھی اسے دیکھنے کی کوشش کریں
عائشہ چوہدری