اسلام آباد اور راولپنڈی سمیت بالائی خیبرپختونخوا میں تیزہواؤں اور گرج چمک کے ساتھ بارش کا امکان

اسلام آباد محکمہ موسمیات نے کہا ہے کہ آئندہ 24گھنٹوں کے دوران اسلام آباد اور راولپنڈی سمیت بالائی خیبرپختونخوا میں تیزہواؤں اور گرج چمک کے ساتھ بارش کا امکان ہے۔ ملک کے دیگر علاقوں میں موسم گرم اور مرطوب رہے گا۔ رپورٹ کے مطابق گزشتہ 24 گھنٹوں کے دوران میرپورخاص، حیدرآباد، کراچی ڈویژن میں کہیں کہیں جبکہ سرگودھا، پشاور، قلات، ژوب، مکران ڈویژن اور فاٹا میں چند مقامات پر گرج چمک کے ساتھ بارش ہوئی تاہم ملک کے دیگر علاقوں میں موسم گرم اور مرطوب رہا ۔