شہید سیکنڈ لیفٹیننٹ عبد المعید کو فوجی اعزاز کیساتھ سپرد خاک کر دیا گیا

شہید سیکنڈ لیفٹیننٹ عبد المعید کی نماز جنازہ ایوب اسٹیڈیم لاہور میں ادا کی گئی جس میں کور کمانڈر لاہور لیفٹیننٹ جنرل عامر ریاض ،ڈی جی رینجرز میجر جنرل اظہر نوید حیات، گیریژن کمانڈر ، سی سی پی او لاہور کیپٹن (ر) امین وینس، لارڈ میئر کرنل (ر) مبشر جاوید ، ڈی آئی جی آپریشن ڈاکٹر حیدر اشرف سمیت اعلیٰ فوجی و سول حکام ، عزیز و اقارب ، دوست احباب اور شہریوں کی کثیر تعداد نے شرکت کی۔
لاہور میں میڈیا سے گفتگو کرتے ہوئے شہید سیکنڈ لیفٹیننٹ عبد المعید کے والد کا کہنا تھاکہ مجھے اور میرے خاندان کوعبد المعید کی شہادت پر فخر ہے ۔ ہمارے جوان سرحدوں کی حفاظت کرتے ہیں تو ہم سکون سے سوتے ہیں ۔
یا د رہے کہ سیکنڈ لیفٹیننٹ عبد المعید تعلق صوبہ پنجاب کے شہر وہاڑی سے تھا اور شہید کا تعلق پاک فوج کی 4ناردرن لایٹ انفنٹری سے تھا اور کاکول ملٹری اکیڈمی سے پاس آؤٹ ہونے کے بعد یہ ان کی پہلی پوسٹنگ وزیرستان میں ہوئی تھی۔ جہاں گزشتہ روز دہشت گردوں کی جانب سے کی گی فائرنگ کے نتیجے میں شہید ہو گے تھے، ان کے ساتھ سپاہی بشارت بھی شہید ہوئے تھے۔ (ذرائع این این آئی)