مشرف اتنے بہادر ہیں تو پاکستانی عدالتوں کا سامنا کریں، زرداری

کمالیہ: پاکستان پیپلز پارٹی کے شریک چیئرمین آصف علی زرداری نے جنرل (ر) پرویز مشرف کے گزشتہ روز کے الزامات کے ردعمل میں کہا ہے کہ اگر وہ (مشرف) اتنے بہادر ہیں تو پاکستان آئیں اور عدالتوں کا سامنا کریں۔

کمالیہ میں میڈیا سے گفتگو کرتے ہوئے انہوں نے کہا کہ اگر مشرف کی کمر میں اتنی ہی تکلیف ہے تو پھر ڈسکو کیسے کررہے ہیں۔

انہوں نے کہا کہ مرتضی ٰبھٹو کے قتل کے وقت بھی مجھ پر اور بی بی پر الزام لگایا گیا تھا۔
خیال رہے کہ پرویز مشرف نے سماجی رابطے کی ویب سائٹ ٹوئٹر پر بھٹو خاندان کے نام اپنا ویڈیو پیغام جاری کیا تھا۔

پرویز مشرف نے اپنے پیغام میں بے نظیر بھٹو اور ان کے بھائی مرتضیٰ بھٹو کے قتل کا ذمہ دار آصف علی زرداری کو قرار دیا ہے۔

آصف علی زرداری نے کہا کہ پاکستان کئی مسائل میں گھرا ہوا ہے، وزیر خزانہ اسحاق ڈار فرار ہوگئے اور زخمی پاکستان چھوڑ گئے۔

ان کا کہنا تھا کہ این اے 120 کا ضمنی انتخاب کوئی پیرا میٹر نہیں، حلقے میں حکمراں جماعت نے ایک ماہ میں اربوں روپے خرچ کیے جبکہ وہاں تحریک انصاف نے بھی کوئی خاص کارکردگی نہیں دکھائی۔

انہوں نے کہا کہ چار سال سے حکومت نے دنیا میں کوئی لابنگ نہیں کی، انہوں نے پاکستان کا عالمی سطح پر کیس کمزور کیا۔

(Visited 29 times, 1 visits today)

Comments

comments

اپنا تبصرہ بھیجیں