اب تو یویو ہنی سنگھ بھی علی سیٹھی کی آواز کے دیوانے ہو گئے

Loading...

پاکستانی گلوکار علی سیٹھی کو ہندوستان میں ایک اور مداح مل گیا اور یہ کوئی اور نہیں بلکہ معروف گلوکار یو یو ہنی سنگھ ہیں۔
ویسے تو فن کی کوئی سرحد نہیں ہوتی اور پاکستان کے کامیابی سے آگے بڑھتے میوزک شو ‘کوک اسٹوڈیو’ کا سیزن 10 صرف یہیں نہیں بلکہ دنیا بھر میں لوگوں کی توجہ حاصل کررہا ہے۔
یو یو ہنی سنگھ کو بھی کوک اسٹوڈیو کی دوسری قسط میں علی سیٹھی، علی حمزہ اور وقار احسن کا گایا ہوا گانا ’تنک دھن‘ کافی پسند آیا۔
گلوکار نے اپنے فیس بک اکاؤنٹ پر یہ گانا شیئر کرنے کے ساتھ لکھا، ’کتنا بہترین گانا ہے، تینوں گلوکار کافی اچھے ہیں، لیکن (ویڈیو میں) علی سیٹھی 3 بجکر 8 منٹ سے 3 بجکر 16 منٹ کے دورانیے میں بہترین ہیں، ان کی آواز میں رفیع صاحب کی جھلک آتی ہے‘۔
مزید پڑھیں: کوک اسٹوڈیو دوسری قسط، ’سیئونی‘ سب سے کمزور پیشکش
34 سالہ ہنی سنگھ نے یہ بھی لکھا، ’اچھے میوزک کی کوئی سرحد، مذہب یا زبان نہیں ہوتی‘۔
ان دونوں کی بڑھتی ہوئی دوستی کو دیکھ کر خیال کیا جاسکتا ہے کہ شاید یہ ایک ساتھ پرفارم کرنے کا بھی کوئی ارادہ کرلیں اور اگر ایسا ہوا تو یقیناً یہ دونوں ممالک کے مداحوں کے لیے زبردست موقع ہوگا۔

Loading...

جس پر علی سیٹھی نے بھی یو یو ہنی سنگھ کا شکریہ ادا کرتے ہوئے انہیں ’مہاراج‘ کہا۔

(Visited 26 times, 1 visits today)
Loading...
Advertisements

Comments

comments

اپنا تبصرہ بھیجیں