رانا ثناء اللہ دوسروں پر تنقید سے پہلے شہباز شریف کا ریکارڈ دیکھ لیں

لاہور : پاکستان تحریک انصاف کے مرکزی نائب صدر محمد شعیب صدیقی نے عمران خان کے بارے رانا ثناء اللہ کی گفتگو کو انتہائی غیر ذمہ دارانہ قرار دیتے ہوئے کہا ہے کہ دوسروں کے بارے میں ہرزہ سرائی سے پہلے وہ اپنے قائد شہباز شریف کا ریکارڈ ضرور چیک کر لیں جنہوں نے ہنستے بستے گھر اجاڑنے میں پہلی پوزیشن حاصل کی ہے، شیشے کے گھر میں بیٹھ کر پتھر مارنیواالوں کو جواب ضرور ملے گا

انہوں نے کہا کہ رانا ثنا ء اللہ پہلے ہی خدا کی پکڑ میں ہیں لیکن وہ حالات سے سبق حاصل نہیں کر رہے اور ان کا وہی وطیرہ ہے کہ اپنے سیاسی آقاؤں کو خوش کرنے کے لیے کسی بھی دروغ گوئی سے گریز نہیں کرتے، شعیب صدیقی نے کہا کہ عمران خان پر الزام تراشی کر کے اپنا قد بلند کرنے کی کوشش کرنے والے خام خیالی میں ہیں عوام پر شریف خاندان کی اصلیت واضح ہو چکی ہے اور ایسے بے بنیاد الزامات پر کان نہیں دہریں گے۔

انہوں نے کہا کہ رانا ثناء اللہ نے سیاسی پوائنٹ سکورنگ میں حقائق کا انتظار بھی نہیں کیا اور اپنی روایتی بیان بازی کر کے ثابت کیا ہے کہ وہ کسی ہمدردی کے قابل نہیں اور ان کے استعفے کا مطالبہ مکمل طور پر جائز ہے شعیب صدیقی نے کہا کہ نواز لیگ اپنی یقینی شکست دیکھ کر پی ٹی آئی کے کارکنوں کو اشتعال دلانے کی کوشش کر رہی ہے اسی لیے رانا ثناء اللہ جیسے مہروں کو استعمال میں لایا جا رہا ہے جو اپنے مقاصد میں ناکام رہیں گے ۔