شرم کا مقام ہے کہ ملک کا وزیر اعظم اپنی ہی عدالتوں کے خلاف زہر اگل رہا ہے،فردوس عاشق اعوان

اسلام آباد: شاہد خاقان عباسی ایک طفیلی وزیر اعظم ہیں۔نواز شریف جس پر ہاتھ رکھتے ہیں وہ کرپشن کا بادشاہ بنتا ہے۔  وزیر اعظم شاہد خاقان عباسی پر بھی نواز شریف کا ہاتھ ہے ۔

شرم کا مقام ہے کہ ملک کا وزیر اعظم اپنی ہی عدالتوں کے خلاف زہر اگل رہا ہے۔یہ بات سینیر رہنما تحریک انصاف فردوس عاشق اعوان نے وزیر اعظم شاہد خاقان عباسی کی تقریر پر تبصرہ کرتے ہوئے کہی۔

فردوس عاشق اعوان نے کہا کہ وزیر اعظم شاہد خاقان عباسی کو نواز شریف کے بجائے خود کو ملک کا وزیر اعظم سمجھنا چاہئیے۔موجودہ حکومت کے ریکارڈ میں کرپشن کے سوا کوئی ریکارڈ نہیں

وزیر خارجہ خواجہ آصف نے سیالکوٹ مین کرپشن اور لوٹ مار کا بازار گرم کر رکھا ہے۔وزیر اعظم اور خواجہ آصف نے نندی پور منصوبے میں مال کمایا۔سیالکوٹ کی تزیین و آرائش کے ٹھیکے اپنی من پسند کمپنیوں کو دے کر قومی دولت جیبوں میں بھری۔نواز شریف اور ان حواریوں نے قومی دولت لوٹنے کے سوا کچھ نہیں کیا۔

 فردوس عاشق اعوان نے مزید کہا کہ اس حکومت میں صرف نواز شریف کے کاروبار اور شاہد خاقان کی ایئر لائین نے ہی ترقی کی۔انتخابات میں نون لیگ کی اب کوئی جگہ نہیں ۔