سعودی عرب تاریخی فیصلے کا اطلاق کل ہوگا، کل خواتین میچ دیکھنے سٹیڈیم جائیں گی۔

سعودی عرب میں خواتین کو سٹیڈیم جا کر میچ دیکھنے کی اجازت ملنے کے بعد کل پہلی بار خواتین میچ دیکھنے سٹیڈیم جائیں گی۔

گزشتہ برس 29 اکتوبر کو سعودی اسپورٹس جنرل اتھارٹی نے مملکت میں کھیلوں کے میدانوں میں اہل خانہ کے ساتھ داخلے کی اجازت دینے کا اعلان کیا تھا۔  اور کل اس فیصلے کا عملی مظاہرہ دیکھنے کو ملے گا۔ ابتدائی طور پر اس تاریخی نوعیت کے فیصلے کا اطلاق تین شہروں ریاض ، جدہ اور دمّام میں ہوگا۔الاہلی کلب کے آئندہ میچ کے لیے الجوہرہ اسٹیڈیم میں سعودی خاندانوں کے استقبال کی تیاریاں مکمل کر لی گئی ہیں۔ معلومات کے مطابق اسٹیڈیم کی 10 ہزار نشستوں کو اہل خانہ کے ساتھ محظوظ ہونے والے تماشائیوں کے لیے مختص کیا گیا ہے۔
میزید یہ کہ سعودی عرب میں الاہلی فٹبال کلب نے اْن سعودی خاندانوں کا خیر مقدم کیا ہے جو الباطن کی ٹیم کے خلاف اْس کا آئندہ میچ دیکھنے کے لیے اسٹیڈیم آنے کا ارادہ رکھتے ہیں۔ یہ میچ آج 12 جنوری ( جمعہ ) کو جدہ میں کنگ عبداللہ اسپورٹس سِٹی کے الجوہرہ اسٹیڈیم میں کھیلا جائے گا۔ میڈیا رپورٹس کے الاہلی کلب نے اپنے سرکاری اکاؤنٹ پر کی جانے والی ٹوئیٹ میں کہا کہ کلب انتظامیہ الباطن کی ٹیم کے خلاف مقابلے میں تماشائیوں کی اپنے اہل خانہ سمیت موجودگی کا خیر مقدم کرتی ہے جو سعودی عرب میں کھیلوں کے میدانوں میں اہل خانہ سمیت شرکت کا پہلا موقع ہو گا۔ (ذرائع این این آئی)