پاک سرزمین پارٹی کےچیئر مین مصطفی کمال کےخلاف تحقیقات اینٹی کرپشن کو بھیجنے کا فیصلہ۔

کراچی (آج کل نیوز) پی ایس پی کے سربراہ  اور سابق مئیر کراچی مصطفی کمال کے خلاف چائینا کٹنگ کیس اینٹی کرپشن کو بھیجنے کا فیصلہ

تفصیلات کے مطابق عوام کو صاف پانی کی فراہمی کیلئے مصطفی کمال کے خلاف محمود آباد مین واقع واٹرٹریٹمنٹ پلانٹ کی زمین پر چائناکٹنگ پلاٹس کی تحقیقات کا فیصلہ کر لیا گیا، مصطفی کمال کیخلاف تحقیقات اینٹی کریشن کو بھیجنے کیلئے چیف سیکرٹری کو مراسلہ ارسال کردیا گیا ہے۔سندھ حکومت کی رپورٹ کے مطابق مصطفی کمال اس وقت میئرکراچی کیساتھ واٹربورڈ کے چیئرمین بھی تھے۔ محمود آبادٹریٹمنٹ پلانٹ کی اراضی غیرقانونی منتقل کی گئی۔ اور مصطفی کمال پر الزام ہے انہوں نے واٹربورڈ کو اراضی منتقلی کی ہدایت دی تھی۔    مذکورہ اراضی صرف پانی کیاستعمال کیلیے مختص تھی، اراضی منتقل کرکیسندھ بلڈنگ کنٹرول اتھارٹی قوانین کی خلاف ورزی کی گئی۔سیکرٹری بلدیات نے رپورٹ چیف سیکرٹری کو ارسال کردی اور کہا کہ تحقیقات اینٹی کرپشن یادیگراداریسے کرانے کی ضرورت ہے۔

 سیکرٹری بلدیات کی جانب سے سپریم کورٹ میں جمع کرائی گئی رپورٹ میں محمودآباد واٹر پلانٹ کی اراضی پر1300 سے زائد پلاٹس کی کٹنگ کا انکشاف کیا گیا ہے، 2008میں سٹی کونسل نے پریڈی متاثرین کی ٹریٹمنٹ پلانٹ اراضی پر منتقلی کی قرارداد منظورکی۔رپورٹ میں مزید  انکشاف کیا گیا ہے کہ 49.01 ایکڑ پر ایک ہزار 319پلاٹس کٹنگ کئیگئے، الاٹمنٹ کی منظور ی کی اصل نوٹ شیٹ مسنگ ہے