ظالمو جواب دو ظلم کا حساب دو ۔۔۔ نہیں تو ہو گا اب دمادم مست قلندر

مال روڈ پر احتجاجی جلسے کیلئے ڈاکٹر طاہر القادری کی خواہش پر نیا ترانہ منظر عام پر آگیا !

لاہور: متحدہ اپوزیشن کے مال روڈ پر احتجاجی جلسے کے لئے پاکستان عوامی تحریک کے سربراہ ڈاکٹر طاہر القادری کی خواہش پر نیا ترانہ
منظر عام پر آگیا ۔نیا ترانہ ڈی ولی سنز اور شاعر قیصر ندیم گڈو نے تیار کیا ہے جس میں ماڈل ٹاؤن شہداء اور قصور میں زیادتی کے بعد قتل ہونیوالے معصوم زینب کیلئے انصاف کا تقاضہ کیا گیا ہے ۔ ترانے کے بول ’’سر پہ کفن باندھے میدان میں نکلے ہیں ، قاتل کے ایوانوں کو ہم ڈھانے نکلے ہیں ۔ ظالمو جواب دو ظلم کا حساب دو ، نہیں تو ہو گا اب دمادم مست قلندر ۔۔۔قصور کی زینب کا قصور تو بتلاؤ، قاتل جو اسکا ہے سولی پہ لٹکاؤ ‘‘ہیں ۔