نامور صحافی و کالم نگار منو بھائی انتقال کرگئے

منو بھائی کی نماز جنازہ بعد نماز عصر ریواز گارڈن میں ادا کی جائے گی اور تدفین میانی صاحب قبرستان میں ہوگی۔

1933 میں پنجاب کے شہر وزیرآباد میں پیدا ہونے والے منو بھائی کا اصل نام منیر احمد قریشی تھا اور وہ منو بھائی کے نام سے جانے جاتے تھے۔منو بھائی نے پاکستان ٹیلی وژن کے لیے متعدد ڈرامے لکھے اور ان کا سب سے مشہور ڈرامہ ‘ سونا چاندی ‘ تھا۔

2007 میں  منو بھائی کو صدارتی تمغہ برائے حسن کارکردگی سے بھی نوازا گیا۔

 منو بھائی کے انتقال پر شوبز حلقوں کی جانب سے تعزیت کا اظہار کیا گیا  ہے ۔ اداکار مصطفی قریشی ، ندیم بیگ ، غلام محی الدین ، جاوید شیخ ، حیدر سلطان ، احسن خان ، ہمایوں سعید ، فواد خان ، قیصر جاوید ، انور علی ، جواد وسیم ، مدیحہ شاہ ، بشریٰ انصاری ، ثناء ، انور مقصود ، رابی پیرزادہ اور صائمہ نور نے کہا کہ صحافت کے ایک مہذب عہد کا خاتمہ ہوگی

، منو بھائی ایک سچے ،کھر ے ،بے باک ،ترقی پسند صحافی تھے۔ان کی وفات سے ترقی پسندانہ سوچ کی ایک اور درخشاں دور کا اختتام ہو گیا ہے ۔منو بھائی کی وفات سے صحافتی دنیا میں جو خلا پیدا ہوا ہے وہ کبھی پر نہیں ہو سکتا ۔انہوں نے مرحوم کے لئے جوار رحمت اور لواحقین کے لے صبر جمیل کی دعا کی۔