12 سالہ غریب بھارتی طالب علم جسے 20کروڑ تک کے پہاڑے زبانی یاد ہیں

12 سالہ چراغ آٹھویں جماعت کا طالب علم، 20 کروڑ تک کے پہاڑے زبانی جانتا ہے اور کوئی حساب کیلکولیٹر سے بھی تیز کرنے میں مہارت رکھتا ہے
بھارتی ٹی وی کے مطابق سہارنپور میں ایک چھوٹے سے گاؤں کے غریب خاندان میں پیدا ہونیوالا12سالہ چراغ آٹھویں کلاس کا طالب علم ہے۔اسے 20، 90،1567یا 1لاکھ 29ہزار 523کا پہاڑا ہی نہیں بلکہ پورے 20کروڑ تک کے پہاڑے یاد ہیں اور وہ جوڑ، ضرب، تقسیم یا دوسرا کوئی حساب کیلکولیٹر سے بھی تیز کرنے میں مہارت رکھتا ہے۔ چراغ کا کہنا تھا کہ وہ بڑا ہوکر ملک کا سب سے بڑا سائنسداں بننا چاہتا ہے اس کی خواہش ہے کہ وہ کوئی ایسا کارنامہ انجام دے کہ وزیر اعظم نریندر مودی اور وزیر اعلیٰ یوگی آدتیہ ناتھ اس کے گاؤں آئیں۔چراغ کے والد نے بتایا کہ انتہائی غربت کے عالم میں اسے پڑھا رہے ہیں۔ہمارا پختہ عزم ہے کہ اس کی پڑھائی کی خاطر اگر زمین یا گردے بھی فروخت کرنا پڑیں تب بھی پیچھے نہیں ہٹیں گے اور اسے سائنسداں بنائیں گے تاکہ وہ ملک و قوم کا نام روشن کرسکے۔