افغان ماجر کیمپ پر امریکی ڈرون حملہ، پاکستان کا دعویٰ مسترد

گزشتہ روز فاٹا میں افغان مہاجرین کے کیمپ پر امریکی ڈرون حملے کے پاکستانی دعوے کو امریکی سفارتخانے نے مسترد کردیا۔

اسلام آباد میں امریکی سفارتخانے کے ترجمان رک سنالسین نے پاکستان کے الزامات کو مسترد کردیا۔ تاہم انہوں نے اس بات کی تصدیق یا تردید نہیں کی کہ کیا فاٹا کی ایجنسی کرم میں مہاجر کیمپ پر ڈرون حملہ امریکی فوج کی جانب سے کیا گیا۔

دفترِ خارجہ کے ترجمان نے جمعرات کو امریکی سفارتخانے کے بیان پر ردِ عمل دیتے ہوئے کہا کہ پاکستان اب بھی اپنے ابتدائی موقف پر ہی قائم ہے کہ ڈرون حملہ کرم ایجنسی میں افغان مہاجر کیمپ پر کیا گیا تھا۔

خیال رہے کہ گزشتہ روز کو افغانستان میں امریکی اتحاد ریزولوٹ سپورٹ مشن کی جانب سے فاٹا کی کرم ایجنسی میں ڈرون حملہ کیا گیا تھا جس میں دعویٰ کیا گیا تھا کہ اس میں مبینہ طور پر حقانی نیٹ ورک کے کمانڈر سمیت 2 افراد ہلاک ہوگئے۔

تاہم پاکستانی دفتر خارجہ نے اس حملے کی شدید الفاظ میں مذمت کی تھی۔ دفتر خارجہ کے ترجمان ڈاکٹرمحمد فیصل نے اپنے بیان میں کہا تھا امریکہ جانب سے ایسے حملوں کے بعد دونوں ملکوں کے درمیان تعلاقات کو نقصان پہنچے گا۔ پاکستان کا موقف تھا کہ امریکہ کی جانب سے حملہ افغان مہاجر کیمپ پر کیا گیا ہے۔

تاہم امریکی کے ترجمان رک سنالسین نے پاکستان کے الزامات کو مسترد کردیا تاہم انہوں نے اس بات کی تصدیق یا تردید نہیں کی کہ کیا فاٹا کی ایجنسی کرم میں ہونے والا حملہ امریکی فوج کی جانب سے کیا گیا۔