افغانستان: کابل کے ریڈزون میں دھماکہ 40 افراد ہلاک، 140 زخمی

ریڈ زون میں ایمبولینس کے ذریعے دھماکا کیا گیا جس کے نتیجے میں 40 افراد ہلاک جبکہ 140 سے زائد زخمی ہوگئے۔

کابل کے ریڈزون میں دھماکہ 40 افراد ہلاک، 140 زخمی. غیر ملکی خبر رساں ادارے اے ایف پی کے مطابق ایک ایمبولینس سوار نے خود کو کابل کے ریڈ زون  میں دھماکے سے اڑا لیا۔ تاہم ریسکیور اور سیکیورٹی اہلکار فوری طور پر جائے وقوع پہنچے اور لاشوں اور زخمیوں کو قریبی ہسپتال منتقل کیا گیا۔

افغان وزارتِ داخلہ کے نائب ترجمان نصرت رحیمی نے غیر ملکی خبر رساں ادارے سے بات کرتے ہوئے بتایا کہ حملہ آور نے اپنے مذموم مقصد کے لیے ایمبولینس کا استعمال کیا اور جب اسے پہلی سیک پوسٹ پر روکا گیا تو اس نے سیکیورٹی اہلکاروں کو بتایا کہ وہ مریض کو ہسپتال لے کر جارہا ہے جبکہ دوسری چیک پوسٹ پر اسے روکنے کی کوشش کی گئی تو اس نے خود کو دھماکے سے اڑا لیا۔

افغان وزارتِ صحت کے ترجمان وحید مجروح نے اے ایف پی کو بتایا کہ اس حملے میں 40 افراد ہلاک ہو چکے ہیں اور 140 زخمی ہیں جبکہ ہلاکتوں میں اضافے کا بھی خدشہ ہے۔