سعودی عرب اور امریکہ کا یمن جنگ فوری بند کرنےاور سیاسی عمل شروع کرنے پر اتفاق

معاون امریکی وزیرخارجہ کی سعودی ولی عہد سے ملاقات،دونوں ملکوں کے درمیان مضبوط اورپائیدارتعلقات پر تبادلہ خیال

معاون امریکی وزیر خارجہ جان جے سلیوان کی سعودی ولی عہد محمد بن سلمان سے ملاقات ہوئی ہے، جس میں امریکہ سعودی کے طویل مدتی اور اہم مراسم جاری رکھنے کا اعادہ کیا گیا،ساتھ ہی، مضبوط اور پائیدار باہمی تعلقات پر تبادلہ خیال ہوا۔ غیرملکی خبررساں ادارے کے مطابق ایک اخباری بیان میں محکمہ خارجہ کی ترجمان ہیدر نوئرٹ نے کہا کہ ملاقات کے دوران، معاون وزیر خارجہ اور ولی عہد نے باہمی اور علاقائی امور کی وسیع جہت پر تفصیلی گفتگو کی۔

ترجمان نے بتایا کہ یمن کے معاملے پر دونوں فریق نے انسانی صورت حال پر اپنی تشویش کا اظہار کیا، اور اتفاق کیا کہ اس بات کی فوری ضرورت ہے کہ لڑائی کے فوری خاتمے کے لیے سیاسی عمل کا آغاز کیا جائے۔