چینی کمپنیوں کی پاکستان میں سرمایہ کاری سے ملکی صنعت ترقی کرے گی, افتخار بشیر

چوہدری افتخار بشیر

سپیشل اکنامک زونز میں چینی سرمایہ کاروں کو ٹیکس میں چھوٹ،سرمایہ کار پاکستان میں صنعتی یونٹ لگائیں گے
بڑھتی ہوئی غیر ملکی سرمایہ کاری سے ملکی معیشت مستحکم ہوگی ،زرمبادلہ کے ذخائربڑھیں گے‘صدرگرائنڈنگ ملز ایسوسی ایشن

لاہور: صدر گرائنڈنگ ملز ایسوسی ایشن پاکستان چوہدری افتخار بشیر نے چین کے آٹھ رکنی تجارتی وفد کی راولپنڈی چیمبرز میں آمد اور چینی کمپنیوں کی پاکستان میں سرمایہ کاری کی خواہش کو خوش آئند قرار دیتے ہوئے کہا ہے کہ چینی کمپنیوں کی پاکستان میں سرمایہ کاری سے ملکی صنعت ترقی کرے گی، کیونکہ چینی کمپنیوں کے پاس مہارت اور وسیع تجربہ ہے جس کے باعث چینی کمپنیاں پوری دنیا میں شہرت حاصل کررہی ہیں۔

loading...

ان خیالات کا اظہار چوہدری افتخار بشیر نے گرائنڈنگ ملز ایسوسی ایشن کے صنعتکاروں کے وفد سے گفتگو کرتیہوئے کیا۔ افتخار بشیر چوہدری کا کہنا تھا کہ سی پیک منصوبہ کے ساتھ ملک بھر میں قائم سپیشل اکنامک زونز میں چینی سرمایہ کاروں کو ٹیکس میں چھوٹ سے سرمایہ کار پاکستان میں صنعتی یونٹ لگائیں گے جس سے ملک بھر میں روزگار کے لاکھوں مواقع دستیاب ہونگے اور بے روزگاری جیسا مسئلہ بھی حل ہوجائے گا۔

چوہدری افتخار بشیر نے کہا کہ ملک بھر میں بڑھتی ہوئی غیر ملکی سرمایہ کاری سے ملکی معیشت مستحکم ہوگی اور حکومتی زرمبادلہ کے ذخائر میں اضافہ سے حکومت کو غیر ملکی قرضوں سے بھی نجات ملے گی اور ملک خوشحالی و ترقی کی راہوں پر گامزن ہوگا۔

Comments

comments

مزید پڑھیں۔  پاکستان سپر لیگ کی وجہ سے پاکستان کرکٹ بہتر ہوئی ٗشاہد آفریدی

اپنا تبصرہ بھیجیں