آپ جو لپ اسٹک استعمال کر رہی ہیں کیا اس کی ان طبعی خوبیوں سے آپ واقف ہیں؟

خواتین میک اپ کو اپنے لیے بہت ضروری سمجھتی ہیں۔میک اپ اور خواتین کا بہت پرانا اور گہرا رشتہ ہے۔خواتین چاہے کسی بھی ملک کی ہوں میک اپ لازمی کرتی ہیں اور میک اپ خریدنے کے لیے پیسوں کی بالکل کوئی پرواہ نہیں کرتی اور ہزاروں روپے لٹا دیتی ہیں۔

میک اپ کی سب سے ضروری چیز ہے ’’لپ اسٹک‘‘ جسے میک اپ میں مرکزی حیثیت بھی حاصل ہے۔ خواتین چاہے جتنا میک اپ کرلیں، اگر لپ اسٹک نہیں لگائیں گی تو ان کا میک اپپ مکمل نہیں لگتا ۔ کبھی کبھی خواتین کا میک اپ کرنے کا دل نہیں چاہ رہا ہوتا لہٰذا وہ صرف لپ اسٹک لگا کر ہی کام چلالیتی ہیں۔ لپ اسٹک نہ صرف میک اپ کو مزید دلکش بناتی ہے بلکہ اس کے بہت سے دوسرے فوائد بھی ہیں جن سے یقیناً بہت سی خواتین لاعلم ہوں گی۔

لپ اسٹک

لپ اسٹک کے فوائد:

لپ اسٹک کے بہت سے طبی فوائد ہیں اورہمیں یقین ہے خواتین لپ اسٹک لگاتے وقت کبھی ان فوائد کے متعلق سوچتی بھی نہیں ہوں گی۔

loading...
  • اچھی اورمعیاری برانڈز کی لپ اسٹک میں ایسے اجزاء شامل کیے جاتے ہیں جو ہونٹوں کو سورج کی روشنی میں شامل، مضر صحت الٹراوائیلٹ شعاعوں (یو وی ریز) سے محفوظ رکھتے ہیں، جس سے ہونٹوں کا رنگ کالا نہیں پڑتا اوران کی قدرتی خوبصورتی برقرار رہتی ہے۔لپ اسٹک
  • لپ اسٹک میں شامل ایلوویرا اور وٹامن ای کے باعث ہونٹوں کی قدرتی نمی برقرار رہتی ہے، تاہم اگر پرانی اور زائد المعیاد لپ اسٹک استعمال کی جائے تو اس کا بالکل الٹا اثر پڑتا ہے۔ زیاہ پرانی ہونے کی وجہ سے لپ اسٹک میں شامل اجزا خراب ہوجاتے ہیں جو ہونٹوں کی نمی چھین کر ان کا رنگ بھی تبدیل کردیتے ہیں۔
  • اچھی اورمعیاری برانڈ کی لپ اسٹک بڑھاپے میں ہونٹوں کی بناوٹ اور ساخت کو برقرار رکھنے میں اہم کردار اداکرتی ہے۔
  • قدرت نے ہونٹوں کو جسم کی نسبت زیادہ حساس بنایا ہے۔ ہونٹوں میں میلانن کی مقدار زیادہ ہوتی ہے جو ہونٹوں کو یو وی ریز سے بچاتا ہے۔ لہٰذا سورج کی روشنی سے بچانے والی لپ اسٹک (جس میں ایس پی ایف 15 شامل ہو) لگانے سے جلد کے کینسر کا خطرہ کم ہوجاتا ہے۔ تاہم گلوسی لپ اسٹک اس کے بالکل الٹ کام کرتی ہے۔ گلوسی لپ اسٹک مضر صحت شعاعوں کو ہونٹوں کی جانب مائل کرتی ہے جس سے ہونٹوں کو نقصان پہنچتا ہے۔
  • لپ اسٹک
  • لپ اسٹک نہ صرف خواتین کے چہرے پر بھلی لگتی ہے بلکہ یہ خواتین کی مسکراہٹ کو بھی نہایت دلکش بناتی ہے۔
  • صحیح لپ اسٹک کا انتخاب آپ کی جلد کے رنگ پر بھی اثرانداز ہوتا ہے اور اگر اپنی جلد کے حساب سے لپ اسٹک لگائی جائے تو اس سے آپ کا رنگ مزید نکھرجاتا ہے۔ اس کے لیے ضروری ہے کہ آپ کو اپنی جلد کی رنگت کا بالکل صحیح اندازہ ہو۔
  • لپ اسٹک انسانی شخصیت کی بہترین عکاس ہوتی ہے، تمام خواتین کے پاس بہت بڑی  تعداد میں لپ اسٹک موجود ہوتی ہے جس میں ہر رنگ کی لپ اسٹک شامل ہوتی ہے لیکن ان میں سے صرف 3 یا4 رنگ ہی روزمرہ میں لگائے جاتے ہیں۔
مزید پڑھیں۔  اسمگلر کی جانب سےروزانہ 50مہاجرین جرمنی سے ترکی منتقل کرنے کا انکشاف

Comments

comments

اپنا تبصرہ بھیجیں