ہاتھوں کی حرکات سے لوگوں کی کیفیات اور احساسات کا پتہ لگایا جا سکتا ہے

ہاتھوں کی حرکات سے لوگوں کی کیفیات اور احساسات کا پتہ
loading...

لوگوں کے ہاتھوں کی حرکات اس شخص کی انفرادی حیثیت کو ظاہر کرتی ہیں

لندن: ہاتھوں کی حرکات سے ہر شخص کی ذہنی و دماغی صحت یا پوشیدہ امراض کا پتا لگایا جاسکتا ہے۔ برطانیہ میں یونیورسٹی آف ایکسیٹر، برسٹل، مونٹ پولیئر، اور نیپلز فریڈرنے بہت سے لوگوں کی ہاتھوں کی حرکات کو ان کی ڈجیٹل نقل یا اوتار کے ذریعے انجام دے کر ان کا مطالعہ کیا ہے۔ 

ماہرین کے مطابق فنگر پرنٹ کی طرح ہر شخص کے ہاتھوں کی انفرادی حرکات یا (آئی ایم ایس) ہوتے ہیں، جن کا دوسروں سے موازنہ کیا جاسکتا ہے۔یہاں ڈجیٹل اوتار کا مطلب یہ ہے کہ مریض کی ہوبہو ڈجیٹل نقل کمپیوٹر پر تیار کرکے اسے سیمولیشن کے ذریعے دیکھا جاتا ہے اور ان کی حرکات کو نوٹ کرکے پڑھا جاتا ہے۔

یونیورسٹی آف ایکسیٹر کے ماہرین نےکہا ہےکہ ہر فرد کے ہاتھوں کی حرکات اور انداز مختلف ہوتا ہے۔ اس مطالعے کی تفصیلات رائل سوسائٹی کے جرنل ’انٹرفیس‘ میں شائع ہوئی ہیں جن سے ظاہر ہے کہ ہاتھوں کو گھمانے کی رفتار اور شدت مختلف انداز میں مختلف ہوتی ہے اس میں ہاتھوں کو ہلکے، تیز اور مدھم انداز سے حرکت دینے سے لوگوں کی شخصیات کے انداز کا جائزہ لینا ممکن ہوتا ہے اس میں ہاتھ گھمانے اور ہلانے کی رفتار کو ایک اہم جزو کے طور پر سمجھا جاسکتا ہے۔

اس طرح بہت جلد انسانی ہاتھوں کی حرکات و سکنات اور ان سے وابستہ ذہنی امراض کو شناخت کرنا ممکن ہوجائے گا۔

 

Comments

comments

مزید پڑھیں۔  بینکنگ کورٹ نےآصف زرداری کو گرفتار کرنے کا حکم دےدیا

اپنا تبصرہ بھیجیں