لیفٹیننٹ جنرل عاصم منیر ڈی جی آئی ایس آئی تعینات، آئی ایس پی آر

راولپنڈی: پاک فوج میں لیفٹیننٹ جنرل کے عہدے پر تقرریاں اور تعینایاں عمل میں لائی گئی ہیں جب کہ لیفٹیننٹ جنرل عاصم منیر کو ڈائریکٹر جنرل آئی ایس آئی تعینات کردیا گیا۔

پاک فوج کے شعبہ تعلقات عامہ (آئی ایس پی آر) کے مطابق لیفٹننٹ جنرل عاصم منیر ڈی جی آئی ایس آئی جب کہ لیفٹیننٹ جنرل ندیم ذکی کو کور کمانڈر منگلا تعینات کیا گیا ہے۔

آئی ایس پی آر کے مطابق لیفٹننٹ جنرل عبدالعزیز ملٹری سیکریٹری جی ایچ کیو جب کہ لیفٹننٹ جنرل وسیم اشرف کو آئی جی آرمز تعینات کردیا گیا ہے۔

آئی ایس پی آر کا کہنا ہے کہ لیفٹننٹ جنرل اظہر صالح عباسی چیف آف لاجسٹکس، لیفٹننٹ جنرل محمد عدنان وائس چیف آف جنرل اسٹاف اور لیفٹننٹ جنرل شاہین مظہر کور کمانڈر پشاور تعینات ہیں۔

یاد رہے کہ 28 ستمبر کو پاک فوج کے 6 میجر جنرلز کو لیفٹیننٹ جنرلز کے عہدے پر ترقی دی گئی تھی جن میں میجر جنرل شاہین مظہر، میجر جنرل ندیم ذکی، میجر جنرل عبدالعزیز، میجر جنرل عاصم منیر، میجر جنرل عدنان اور میجر جنرل وسیم اشرف کو لیفٹیننٹ جنرل بنایا گیا تھا۔