کراچی، پانی کی فراہمی کے لیے قائم واٹر بورڈ کا آن لائن سسٹم ناکام

پانی
loading...

شہر قائد کے باسیوں کو رعایتی نرخوں پر واٹرٹینکر فراہم کرنے کے لیے قائم آن لائن سسٹم ناکارہ ثابت ہوا

کراچی:کراچی میں سرکاری قیمت پر با آسانی پانی کی فراہمی کے لیے قائم واٹر بورڈ کا چند روز قبل قائم کیا گیا آن لائن سسٹم ناکام ہوگیاہے۔

ذرائع کی معلومات کے مطابق کراچی میں پانی کی قلت کے دوران واٹر ٹینکر مہنگے داموں میں فروخت ہونے لگے تو واٹربورڈ کے صدر دفتر میں آن لائن نظام قائم کیا گیا۔ پانچ روز قبل آن لائن سسٹم کا آغاز ہوا تو ضرورت مند شہریوں کا تانتا بندھ گیا تاہم سسٹم چار گھنٹے چلنے کے بعد کریش کرگیا۔دو کروڑ کی آبادی والے شہر میں لوگوں کی سہولت کے لیے صرف تین ٹیلی فون لائنیں رکھی گئیں جس کے نتیجے میں پانی کے متلاشی رابطہ کرتے رہے مگر کوئی جواب موصول نہیں ہوا۔

شہر قائد کے باسیوں کو رعایتی نرخوں پر واٹرٹینکر فراہم کرنے کے لیے قائم آن لائن سسٹم ناکارہ ثابت ہوا جس کی وجہ سے کئی روز گزر جانے کے باوجود پانی کے متلاشی افراد کا رش ختم نہیں ہوسکا ہے۔اس ضمن میں ایم ڈی واٹربورڈ خالد محمود شیخ نے بتایاکہ آن لائن سروس فی الحال تجرباتی بنیاد پر شروع کی گئی ہے اسے جلد ہی مکمل فعال بنا دیا جائے گا۔

Comments

comments

مزید پڑھیں۔  سعودی عرب کے مشرقی صوبے میں خواتین کا گاڑی چلانے کا تجربہ، الحمد للہ ہمیں سعودی خواتین پر پورا اعتماد ہے، شہزادی عبیر بن فیصل

اپنا تبصرہ بھیجیں