پرائیویٹ اسکولوں کو زائد فیسیں وصول کرنا مہنگا پڑ گیا

پرائیویٹ اسکولز

کراچی: محکمہ تعلیم سندھ نے پرائیویٹ اسکولوں کو 5 فیصد سے زائد وصول کردہ فیس واپس کرنے کا حکم جاری کردیا۔

محکمہ تعلیم نے اسکولوں کوعدالتی حکم پر عمل کے احکامات جاری کیے ہیں اور اس حوالے سے جاری سرکلر میں کہا گیا ہے کہ پرائیویٹ اسکولز 5 فیصد سے زائد وصول کردہ فیس واپس کریں۔

سرکلر کے مطابق محکمہ تعلیم سے آخری منظور فیس شیڈول میں 5 فیصد سے زائد اضافہ نہیں ہوسکتا لہٰذا اضافی فیسیں واپس کی جائیں۔

دوسری جانب ڈائریکٹر جنرل پرائیویٹ اسکولز سندھ منسوب صدیقی کا کہنا ہے کہ عدالتی حکم تمام نجی اسکولز اور ان کے طلبہ پر لاگو ہوگا اور عدالتی حکم پر عمل نہ کرنے والے اسکولوں کی رجسٹریشن معطل کردی جائے گی۔

یاد رہے کہ گزشتہ دنوں سندھ ہائیکورٹ نے نجی اسکولوں کی جانب سے فیسوں میں 5 فیصد سے زیادہ اضافے کو غیرقانونی قرار دیا تھا۔

عدالتی فیصلے میں کہا گیا کہ پرائیویٹ اسکولز 5 فیصد سے زیادہ فیس بڑھانے کے اہل نہیں ہیں۔

Comments

comments

مزید پڑھیں۔  نفرت کی سیاست کی پیداوار نواز اور شہباز شریف کا نیا چہرہ عابد شیر علی جیسے نوجوان ہیں:مولا بخش چانڈیو

اپنا تبصرہ بھیجیں