کلیم امام نے سندھ پولیس کے نئے آئی جی کا چارج سنبھال لیا

سندھ پولیس
loading...

کراچی: کلیم امام نے سندھ پولیس کے 59 ویں انسپکٹر جنرل (آئی جی) کا چارج سنبھال لیا۔ کلیم امام گزشتہ 25 سال سے محکمہ پولیس سے وابستہ ہیں۔

تفصیلات کے مطابق سندھ پولیس کے ترجمان کا کہنا ہے کہ نئے آئی جی سندھ کلیم امام کا پولیس میں 25 سال کا تجربہ ہے۔ ڈاکٹریٹ کی ڈگری رکھنے والے ڈاکٹر کلیم کو جون 2018 میں آئی جی پنجاب بنایا گیا تھا۔

ترجمان کے مطابق اگست 2017 میں انہیں نیشنل ہائی ویز اینڈ موٹر ویز کا آئی جی مقرر کیا گیا۔ اعلیٰ خدمات پر کلیم امام کو تمغہ امتیاز سمیت کئی اعزازات سے نوازا جا چکا ہے۔

کلیم امام ایس پی سبی، ایس پی نصیر آباد، ایس ایس پی کوئٹہ، ایس ایس پی راولپنڈی اور ایس ایس پی اسلام آباد بھی تعینات رہے۔

وہ آئی جی اسلام آباد اور ڈائریکٹر نیشنل پولیس بیورو کے عہدے پر بھی رہے علاوہ ازیں ایس ایس پی ایف آئی اے امیگریشن اور وزیر اعظم کے چیف سیکیورٹی آفیسر بھی رہ چکے ہیں۔

کلیم امام سے قبل امجد جاوید سلیمی آئی جی سندھ کے فرائض انجام دے رہے تھے۔

Comments

comments

مزید پڑھیں۔  ’سنجو‘ نے باکس آفس پر کمائی کا ریکارڈ بنالیا

اپنا تبصرہ بھیجیں