ملک بھر میں شبِ معراج انتہائی عقیدت و احترام سے منایا جارہا ہے

shab e meraj

پاکستان سمیت پوری دنیا کے مسلمان شبِ معراج کی عظیم رات میں عبادات میں مصروف، ملک و قوم کے لیے خصوصی دعائیں

لاہور،اسلام آباد سمیت ملک بھرمیں 27ویں رجب کا آغاز ہوتے ہی مسلمان شبِ معراج انتہائی عقیدت واحترام سے منارہے ہیں، مختلف مساجد میں ملک وقوم کی خیریئت کے لئے خصوصی دعاؤں کا اہتمام بھی کیا جا رہا ہے
مسلمان آج شبِ معراج مذہبی عقیدت و احترام سے منائیں گے، معراج کی شب کو دین اسلام میں ایک اہم اور منفرد مقام حاصل ہے، جب اللہ تعالیٰ نے نبی کریم صلی علیہ وآلہ وسلم کو اپنے پاس بلا کر اپنا دیدار کرایا ۔
اللہ تعالیٰ نے سال کے بارہ مہینوں میں مختلف دنوں اور راتوں کی خاص اہمیت وفضیلت بیان کر کے ان کی خاص خاص برکات وخصوصیات بیان فرمائی ہیں۔ رجب المرجب اسلامی سال کا ساتواں مہینہ ہے۔
یہ واقعہ حضور اکرم کا امتیازی معجزہ ہے۔
شبِ معراج محبوب خدا نے مسجد الحرام سے مسجد الاقصیٰ اور وہاں سے آسمانوں کی سیر کرکے اللہ سے ہم کلام ہوئے
یہ واقعہ ہجرت سے پانچ سال قبل پیش آیا۔ سرور کائنات، رحمت اللہ العالمین کے اعلان نبوت کا بارہواں سال مصائب و مشکلات سے گھرا تھا کہ اللہ تعالیٰ نے اپنے محبوب سے ملاقات کا اہتمام فرمایا، پیغمبر خدا کی آسمانوں کی سیر اوراس میں اللہ تعالیٰ کے نشانیوں کا مشاہدہ بھی کمال ہے
سفرِ معراج کے تین اہم مرحلے
پہلے مرحلے میں سفرِ معراج کا پہلا مرحلہ مسجدُ الحرام سے مسجدِ اقصیٰ تک کا ہے، یہ زمینی سفر ہے۔
دوسرے مرحلے سفرِ معراج کا دوسرا مرحلہ مسجدِ اقصیٰ سے لے کر سدرۃ المنتہیٰ تک ہے، یہ کرۂ ارضی سے کہکشاؤں کے اس پارواقع نورانی دنیا تک سفر ہے۔
تیسرے مرحلے سفرِ معراج کا تیسرا مرحلہ سدرۃ ُالمنتہیٰ سے آگے قاب قوسین اور اس سے بھی آگے تک کا ہے،چونکہ یہ سفر محبت اور عظمت کا سفر تھا اور یہ ملاقات محب اور محبوب کی خاص ملاقات تھی لہٰذا اس کو راز میں رکھا گیا، سورۃ النجم میں فقط اتنا فرمایا کہ وہاں اللہ تعالیٰ نے اپنے محبوب صلی اللہ علیہ وآلہ وسلم کو جو راز اور پیار کی باتیں کرنا چاہیں وہ کرلیں۔
اس رات کو ملنے والے تحفے نماز کی پابندی بھی اللہ تعالیٰ کی پیروی کا ثبوت ہے

مزید پڑھیں۔  الیکشن میں کامیابی کے بعد نیا نظام ضرور لائیں گے ٗنواز شریف

Comments

comments

اپنا تبصرہ بھیجیں