نواز شریف کے بیان کی وجہ سے پاکستان کا سر شرم سے جھک گیا ،انڈیا میں جشن منایاگیا ‘ابرا ر الحق

ibrar-ul-haq-aajkalpk

نارووال تحریک انصاف کے مرکزی رہنماء ابرار الحق نے کہا ہے کہ نواز شریف نے حلف نامے کی خلاف ورزی کی ہے انکا مقصد یہ ہے خود ڈوبتے ڈوبتے پاکستان کو بھی ڈبو دیا جائے

نارووال : تحریک انصاف کے مرکزی رہنماء ابرار الحق نے کہا ہے کہ میاں صاحب کے ہاتھوں سے اقتدار نکل رہا ہے اس لئے ایسی حرکت کی ہے ،نواز شریف کے اس بیان کی وجہ سے انڈیا جشن منا رہا ہے کہ پاکستان ممبئی دھماکے مان گیا ہے جبکہ اس کے علاوہ مسلم لیگ (ن) کے وزرا ء امریکہ پہلے بھی جاکر باتیں کرتے تھے کہ ہمیں اپنا گھر صاف کرنے کی ضرورت ہے ۔ان خیالا ت کااظہارتحریک انصاف کے مرکزی رہنما ابرارالحق نے نارووال میں پریس کانفرنس کرتے ہوئے کیا ۔ ابرارالحق نے کہا کہ ہم ( ن) لیگ کے ووٹر کو کہتے تھے کہ ن لیگ ملک دشمن جماعت ہے ملک میں دہشت گردی سے 70 ہزار جانوں کا نذرانہ دیا گیا اور پاکستان کو بیرونی دشمن قوتوں سے بچایا گیا پورا پاکستان اورپاکستان تحریک انصاف پاکستانی افواج کے ساتھ کھڑی ہے۔

loading...

انہوں نے کہاکہ احسن اقبال بتا دیں کہ وہ نواز شریف، مریم نواز اور رانا ثناء اللہ کے ساتھ ہیں یا ملک کے ساتھ ہیں ۔ہماری سمجھ سے باہر ہے کہ نوازشریف نے ایسا بیان کیسے دے دیا ۔ سلامتی کونسل کے اجلاس میں ایسی چیزیں باہر آئی ہیں جو بہت پہلے آ جانی چاہیں تھیں لیکن یہ واضع ہے کہ سب سے پہلے پاکستان ہے بعد میں کوئی بھی سیاسی جماعت ہے اگر پاکستان ہے تو ہم ہیں ۔(ن) لیگ فیملی نے پاکستان میں بادشاہت کی ہے لیکن پھر بھی پاکستان دشمنی کی ہے ۔انہوں نے کہاکہ مسلم لیگ ن نے معیشت کو برباد کر دیا ہے ۔ابرارالحق نے کہا کہ چوہدری نثار ایک محب وطن پاکستانی ہیں شاہد ایسی لئے وہ پیچھے ہٹے کہ نواز شریف ایسے مطالبے کرتے ہوں ۔

مزید پڑھیں۔  آپ کا دن کیسا گزرے گا؟

Comments

comments

اپنا تبصرہ بھیجیں