ماہ رمضان کی مناسبت سے دونعتیں ریکارڈ کی تھیں، زاراشیخ

زارا شیخ
loading...

اداکارہ زارا شیخ کا گلوکاری اور ڈائریکشن میں قسمت آزمائی کا فیصلہ،میں ایک فنکارہ ہوں اورخود کوکسی ایک شعبے تک محدود نہیں رکھ سکتی‘اداکارہ

لاہور: اداکار زارا شیخ نے گلوکاری اورڈائریکشن کے میدان میں قسمت آزمائی کا فیصلہ کیا ہے۔ زارا شیخ نے حال ہی میں بطورنعت خواں جہاں نعت ریکارڈ کروانے کے بعد اس کی ویڈیو ڈائریکٹ کی ہے۔

اس حوالے سے زارا شیخ کا کہنا تھا کہ میرا فنی سفر فلمی دنیا سے شروع ہوا اورکیرئیرکی پہلی فلم نے ہی ایسی کامیابی حاصل کی کہ آج تک پرستارمجھے یاد رکھے ہوئے ہیں۔ فنی سفرکے دوران بہت سے اچھے کردارمیرے حصے میں آئے اورمستقبل میں بھی اچھوتے کردارکرتی دکھائی دونگی لیکن اس کے ساتھ میوزک کے شعبے سے بھی میری محبت بہت پرانی ہے۔ مجھے ہمیشہ سے ہی اچھے میوزک نے متاثر کیا اورکبھی کبھارگنگناتی بھی تھی۔

 میرے اس ٹیلنٹ کے بارے میں جب میوزک سے وابستہ اہم شخصیات کوپتہ چلا تو انھوں نے مجھے اپنی صلاحیتوں کے جوہر دکھانے پر زوردیا۔ میں نے ایک گیت ریکارڈ بھی کیا تھا، جس کو بہت سراہا گیا لیکن پھر میں اپنی نجی مصروفیات کی وجہ سے میوزک سے دور ہو گئی لیکن اب دو سال کے وقفے کے بعد میں نے دوبارہ سے شوبزمیں اپنا کام شروع کردیا ہے۔

زارا شیخ نے کہا کہ ماہ رمضان کی مناسبت سے دونعتیں ریکارڈ کی تھیں، جن کی ویڈیو کی ڈائریکشن خود دیں جبکہ بطورڈائریکٹر بہت جلد کسی بڑے پروجیکٹ پرکام کرتی دکھائی دونگی۔ میں ایک فنکارہ ہوں اورخود کوکسی ایک شعبے تک محدود نہیں رکھ سکتی۔ جہاں تک بات اداکاری کی ہے تووہ بھی ان دونوں شعبوں کے ساتھ جاری رہے گی۔

مزید پڑھیں۔  31st Aug 2018 - آج کا کارٹون

فلمی صنعت کے حوالے سے بات کرتے ہوئے زارا شیخ نے کہا کہ پاکستان میں اچھی اورمعیاری فلمیں بننے کا رجحان توشروع ہوچکا ہے لیکن ابھی تک فلموں سے ڈرامائی انداز ختم نہیں کیا جاسکا، جس پرکام ہونا چاہیے۔ کیونکہ فلم اورٹی وی ڈرامہ میں ایک واضح فرق ہوتا ہے، جس کوسمجھنے کی ضرورت ہے۔

Comments

comments

اپنا تبصرہ بھیجیں