لاہور قلندرز کی شکستوں کے پوسٹ مارٹم کا اعلان

فواد رانا
loading...

کپتان برینڈ میک کولم کو قیادت کے منصب پر برقرار رکھنے کے حوالے سے فیصلہ ٹیم کریگی،عمر اکمل اچھے کھلاڑی ہیں، فواد رانا

لاہور: پاکستان سپر لیگ کی فرنچائز لاہور قلندر کے مالک فواد رانا نے لیگ کے دوسرے ایڈیشن میں اپنی ٹیم کی ناکامیوں کا پوسٹ مارٹم کرنے کا اعلان کرتے ہوئے کہا ہے کہ کپتان برینڈ میک کولم کو قیادت کے منصب پر برقرار رکھنے کے حوالے سے فیصلہ ٹیم کرے گی۔

میڈیا رپورٹ کی معلومات کے مطابق پاکستان سپر لیگ کے ابتدائی دو ایڈیشنز کی طرح تیسرے ایڈیشن میں بھی لاہور قلندرز کی مایوس کن کارکردگی کا سلسلہ جاری رہا اور اس نے ایک مرتبہ پھر ایونٹ کا اختتام پوائنٹس ٹیبل پر آخری نمبر پر کیا۔

لاہور قلندر کے چیئرمین فود رانا نے ایک انٹرویومیں کہا کہ ہمارا مقصد پاکستان کے نوجوان کھلاڑیوں کو مواقع فراہم کرنا ہے اور ہم اب تک پاکستان ٹیم کو پانچ سے چھ کھلاڑی دے چکے ہیں اور کوشش ہے کہ پاکستان کے بنچ پر انٹرنیشنل معیار کے 30 کھلاڑی میسر آ سکیں۔انہوں نے کہا کہ ہار جیت کھیل کا حصہ ہے مگر اپنی شکستوں پر پوسٹ مارٹم کریں گے تاکہ جائزہ لے کر مستقبل کیلئے بہتر پلاننگ کی جاسکے۔

ایک سوال کے جواب میں فواد رانا نے شائقین خصوصاً لاہور کے عوام کی جانب سے دی جانے والی محبت کا شکریہ ادا کرتے ہوئے کہا کہ ہم لاہور کے عوام کو جوابدہ ہیں اور کوشش ہو گی کہ مستقبل میں کامیابی حاصل کر کے سرخرو ہو سکیں۔ عمر اکمل بڑے اچھے کھلاڑی اور ہمارے پلاٹینم پلئیر ہیں تاہم انہوں نے پرفارم نہیں کیا تاہم اس کے باوجود ہم نے انہیں عزت دینے کے لیے ہی لیگ کے دوران آرام دیا گیا۔انہوں نے واضح کیا کہ ٹیم کے کپتان برینڈن میک کولم ا ور عمر اکمل میں کوئی اختلاف نہیں تھا بلکہ وہ کیریبیئن پریمئیر لیگ میں اکٹھے کھیلتے ہیں اور ان میں کوئی ناراضگی نہیں تھی۔

مزید پڑھیں۔  جو پندرہ سو دنوں میں کچھ نہیں کر سکے100 دن میں کیا کرینگے؟ِوزیر اعظم شاہد خاقان عباسی

ٹیم کی قیادت کے حوالے سے سوال پر فواد رانا کا کہنا ہے کہ برینڈن میک کولم اچھے طریقے قیادت کر رہے ہیں تاہم بدقسمتی سے ہم ناکامی سے دوچار ہوئے البتہ ٹیم کی قیادت میں کسی بھی قسم کی تبدیلی کے حوالے سے کوئی بھی فیصلہ ٹیم مینجمنٹ کرے گی۔

Comments

comments

اپنا تبصرہ بھیجیں