سلمان کی شاہ رخ کی فلم ’زیرو‘ میں دبنگ انٹری

فلم

اس فلم میں کترینہ کیف اور انوشکا شرما بھی مرکزی کردار کرتی نظر آئیں گی ,فلم’’زیرو‘‘ رواس سال 21 دسمبرکو سینما گھروں کی زینت بنے گی

ممبئی:بالی ووڈ سلطان سلمان خان شاہ رخ خان کی فلم ’زیرو‘ میں مختصر کردار میں دکھائی دیں گے۔ بالی ووڈ کے دبنگ اداکار سلمان خان کو باکس آفس کنگ کی حیثیت حاصل ہے یہی وجہ ہے کہ ہر ہدایت کار سلو میاں کے ساتھ کام کرنا چاہتے ہیں لیکن وقت کی کمی کے باعث ایسا ممکن نہیں ہوتا لہذا وہ کسی نہ کسی طرح دبنگ خان کو اپنی فلم میں مختصر کردار کے لیے آمادہ کرتے ہیں جب کہ شاہ رخ خان کے ساتھ دوستی کے بعد وہ ان کی فلم ’فین‘ میں بھی مختصر کردار میں دکھائی دیے تھے اور اب ان کی نئی فلم ’زیرو‘ میں بھی ان کی انٹری ہوگی۔

بھارتی میڈیا رپورٹس کی معلومات کے مطابق بالی ووڈ کنگ شاہ رخ خان کی نئی فلم ’زیرو ‘ میں سلمان خان خصوصی کردار میں نظر آئیں گے، جب کہ فلم میں دونوں اداکاروں کی جوڑی کو دلفریب بنانے اور مداحوں کا لہو گرمانے کے لئے ان پر ایک گیت فلمایہ جائے گا ،جس کے لئے سکھوندر سنگھ کی خدمات بھی حاصل کرلی گئی ہے۔

ذرائع کا کہنا ہے کہ سکھوندر سنگھ کے اس گیت میں سلمان خان کی بطور مہمان انٹری میں اْن کے ساتھ عالیہ بھٹ ، کرشمہ کپور،کاجول اور رانی مکھرجی بھی نظر آئیں گی۔

واضح رہے کہ انند ایل رائے کی ہدایت کاری میں بننے والی کنگ خان کی فلم ’زیرو‘ میں کترینہ کیف اور انوشکا شرما بھی مرکزی کردار کرتی نظر آئیں گی ،جب کہ فلم 21 دسمبر 2018 میں سینما گھروں کی زینت بنے گی۔

مزید پڑھیں۔  سلمان خان کے قتل کی منصوبہ بندی پر والد سلیم خان نے خاموشی توڑ دی
Spread the love

Comments

comments

اپنا تبصرہ بھیجیں