منصوراحمد کی یاد میں اسٹیڈیم تعمیر کرنے کا اعلان

منصوراحمد

سیکرٹری شہباز احمد نے ملک کو ورلڈ کپ جتوانے والے منصور احمد کی یاد میں اسٹیڈیم تعمیر کرنے کی تجویز پیش کی تھی

اسلام آباد :پاکستان کرکٹ بورڈ نے گزشتہ ہفتے انتقال کرنے والے مرحوم اولمپیئن منصور احمد کی یاد میں اسلام آباد میں اسٹیڈیم تعمیر کرنے کا اعلان کیا ہے۔پاکستان ہاکی فیڈریشن کے سیکریٹری شہباز احمد نے ملک کو ورلڈ کپ جتوانے والے منصور احمد کی یاد میں اسٹیڈیم تعمیر کرنے کی تجویز پیش کی تھی۔

پاکستان اسپورٹس بورڈ کے ایگزیکٹو بورڈ کے اجلاس میں یہ تجویز منظور کر لی گئی۔بورڈ نے مرحوم گول کیپر کے اہلخانہ کے لیے 10لاکھ روپے منظور کرنے کے ساتھ تمام ایتھلیٹس کیلئے ہیلتھ انشورنس کی تجویز بھی منظور کی۔49سالہ منصور احمد ڈیڑھ سال سے دل کے عارضے میں مبتلا تھے۔

منصوراحمد کے دل میں اسٹنٹ بھی لگائے گئے تھے تاہم گزشتہ کچھ عرصے میں ان کی حالت بگڑتی جا رہی تھی۔مایہ ناز گول کیپر نے درخواست کی تھی کہ انہیں دل کے ٹرانسپلانٹ کے لیے بھارت بھیجا جائے۔

تاہم خرابی صحت کی وجہ سے ڈاکٹرز نے منصوراحمد کو بھارت بھیجنے کی اجازت نہیں دی اور وہ گزشتہ ہفتے کراچی کے مقامی ہسپتال میں جان کی بازی ہار گئے۔

یاد رہے کہ 1994 میں سڈنی میں کھیلے گئے ہاکی ورلڈ کپ فائنل میں ہالینڈ کے خلاف پینالٹی اسٹروک تک جانے والے مقابلے میں منصوراحمد نے آخری اسٹروک روک کر پاکستان کوچمپئن بنوایا تھا۔

منصور احمد نے پاکستان کی جانب سے 338 انٹرنیشنل میچز کھیلے اور 1986 سے 2000 تک محیط اپنے کیریئر کے دوران ورلڈ کپ، چیمپیئنز ٹرافی اور تین اولمپکس مقابلوں میں شرکت کی۔انہیں 4مرتبہ عالمی سطح پر بہترین گول کیپر قرار دیا گیا جبکہ 1988 میں انہیں صدارتی ایوارڈ سے نوازنے کے ساتھ ساتھ 1994 میں پرائڈ آف پرفارمنس بھی دیا گیا

مزید پڑھیں۔  ایشیا کپ: پاکستان اور بھارت کے درمیان ٹاکرا آج ہو گا

Comments

comments

اپنا تبصرہ بھیجیں