رمسیس کے مقام پر دو افراد کو دیکھا جوانسانی اعضاء فروخت کر رہے تھے، پولیس

انسانی اعضاء
loading...

مصر میں انسانی اعضاء کی تجارت کے مکروہ دھندے میں ملوث ڈاکٹر اوردودیگرافرادگرفتار،ملزمان نوجوانوں کو مالی تعاون کی پیش کش کر کے ان کے اعضاء ان سے خریدتے اور آگے فروخت کرتے تھے،پولیس

قاہرہ:مصر کی پولیس نے ملک میں انسانی اعضاء کے غیر قانونی خریدو فروخت کے مکروہ دھندے میں ملوث ایک گروپ کو گرفتار کیا ہے۔ گروپ میں نام نہاد ڈاکٹر بھی ملوث ہیں جو غریب شہریوں سے ان کے اعضاء خرید کر اسے انسانی اعضاء کے عالمی تاجروں کے ہاتھ فروخت کرتے تھے۔

عرب ٹی وی کی معلومات کے مطابق قاہرہ پولیس نے شہر میں سے انسانی اعضاء کے دھندے کے الزام میں گرفتار کیا ہے۔ گرفتار سماج دشمن عناصر نوجوانوں کو روزگار کی فراہمی اور یا مالی تعاون کی پیش کش کر کے ان کے اعضاء ان سے خرید تیاور انہیں آگے فروخت کرتے تھے۔ پولیس کا کہنا تھا کہ میدان رمسیس کے مقام پر دو افراد کو دیکھا گیا جو کم آمدنی والے نواجوانوں کو اپنے اعضاء رقم کے بدلے فروخت کرنے کے لیے ان کے ساتھ بہاؤ تاؤ کر رہے تھے۔

ملزمان میں سے ایک کا تعلق اسکندریہ سے ہے جس کی عمر اکیس سال بتائی جاتی ہے جب کہ دوسرے کا تعلق السلام شہر سے ہے اور وہ غیر قانونی اسلحہ کے الزام میں دو سال قید کی سزا کاٹ چکا ہے۔ایک اور ملزم کا کہنا تھا کہ اس نے ایک مقامی ڈاکٹر کے کہنے پر لوگوں سے ان کے اعضاء کی خریداری کے لیے بات چیت کی۔ انسانی اعضاء کی تجارت کے دھندے میں جس ڈاکٹر کا نام سامنے آیا ہے وہ مصرکے اسپتالوں میں گردوں کی پیوند کاری کا کام کرتا ہے۔

مزید پڑھیں۔  خطرناک کھیل کھیلا جارہا ہے اور صرف مسلم لیگ (ن) کو نشانہ بنایا جارہاہے، نوازشریف

Comments

comments

اپنا تبصرہ بھیجیں