خواتین اور مردوں کا کینسر سے بچنا اب آسان

خواتین اور مردوں کا کینسر سے بچنا اب آسان

اسپین کے ماہرینِ غذائیات نے ایک طویل مطالعے کے بعد دریافت کیا ہے کہ اگر رات کا کھانا جلدی کھا لیا جائے تو اس سے مردوں کو پروسٹیٹ کینسر سے جبکہ خواتین کو بریسٹ کینسر سے بچنے میں بڑی مدد ملتی ہے۔

بارسلونا انسٹی ٹیوٹ فار گلوبل ہیلتھ میں مانولس کوجیویناس کی سربراہی میں کیے گئے اس مطالعے میں مجموعی طور پر تقریباً 4000 رضاکاروں کو شریک کیا گیا جن میں 2500 خواتین اور 1500 مرد شامل تھے۔ رضاکاروں میں سے نصف صحت مند جبکہ نصف کو پروسٹیٹ/ بریسٹ کینسر تھا۔

تفصیلی تجزیئے کے بعد معلوم ہوا کہ وہ لوگ جو رات کا کھانا جلدی کھانے کے عادی تھے یا رات کے کھانے کے کم از کم دو گھنٹے بعد سونے کےلیے جاتے تھے، ان میں پروسٹیٹ کینسر اور بریسٹ کینسر کی شرح ایسے افراد کے مقابلے میں 20 فیصد کم تھا جو یا بالعموم رات کا کھانا دیر سے کھایا کرتے تھے یا پھر رات کا کھانا کھانے کے فوراً بعد ہی سونے کےلیے لیٹ جایا کرتے تھے۔

کوجیوناس کے مطابق اب تک کیے گئے مطالعات میں صرف کھانے میں شامل چیزوں اور سرطان میں تعلق ہی پر تحقیق کی گئی تھی جبکہ یہ پہلا موقعہ ہے جب غذا کے ساتھ ساتھ اس کے وقت اور سونے جاگنے کے اوقات بھی مدنظر رکھے گئے ہیں۔

تمام افراد کا تفصیلی طبی معائنہ کیا گیا جبکہ ان کے روزمرہ معمولات سے متعلق ان سے سوالنامے بھی بھروائے گئے

Comments

comments

مزید پڑھیں۔  ریلویز کی طرف سے خوشخبری

اپنا تبصرہ بھیجیں