ایسے جاندار کردار کا شوق ہے جسے لوگ برسوں یاد رکھیں، عروہ حسین

عروہ

لاہور: معروف اداکارہ وماڈل عروہ حسین نے کہا ہے کہ مجھے مرکزی نہیں کوئی جاندار کردار کرنے کا شوق ہے جسے لوگ برسوں یاد رکھیں۔

عروہ حسین نے کہا کہ پاکستان فلم انڈسٹری کا مستقبل بہت روشن دکھائی دیتا ہے کیونکہ یہاں پرکسی ایک ہی طرز کی نہیں بلکہ مختلف موضوعات پر فلمیںبنانے کا رجحان زورپکڑ رہاہے۔ اس کے علاوہ فلموں میں کسی ایک چہرے کوباربارکاسٹ کرنے کے بجائے بہت سے نئے فنکاروں کوکام دیا جا رہا ہے۔

عروہ حسین نے کہا کہ اسی طرح فلم کی ڈائریکشن کے شعبے میں بھی باصلاحیت لوگ کام کررہے ہیں ان میں اکثریت پہلی مرتبہ فلم انڈسٹری سے وابستہ ہوئی ہے مگران کے کام کا انداز اور ان کی سوچ اس بات کی گواہی دیتی ہے کہ یہی وہ لوگ ہیں جو پاکستان فلم انڈسٹری میں انقلاب لانے کی صلاحیت رکھتے ہیں۔

loading...

عروہ نے کہا کہ پاکستانی فلمیں اورسینما انڈسٹری ایک نئی اورجدید دورکی طرف بڑھ رہی ہے، اس سفر میں پاکستان ہی نہیں بلکہ دوسرے ممالک کے فنکار اورٹیکنیشنز ہمارے ساتھ ہونگے ، اس طرح سے بھی بہتری کے آثارنمایاں ہونگے۔

ایک سوال کے جواب میں عروہ حسین نے کہا کہ مجھے مرکزی کردارسے زیادہ ایک ایسا جاندارکردارکرنے کا شوق ہے جس کو لوگ برسوں یاد رکھیں اوروہ کردار میری فنکارانہ صلاحیتوں کی عمدہ ضمانت بن سکے، مجھے امید ہے کہ مستقبل میں، میں ایسے ہی کرداروں میں کام کرتی نظر آئوں گی۔

Comments

comments

مزید پڑھیں۔  رنویر سنگھ نے اپنی ہونے والی بیوی دپیکا پڈوکون کو ملکہ کا خطاب دیدیا

اپنا تبصرہ بھیجیں