میں نے بہت سی خواتین کو مردوں کے ہاتھوں ہراساں ہوتے دیکھا ہے‘سونیا حسین

سونیا حسین

چاہتی ہوں ہمارے ملک میں ایسا قانون بنے جہاں مجرم اس قسم کے جرائم کرنے سے قبل ان کی خطرناک سزاؤں سے ڈریں

کراچی: پاکستانی اداکارہ سونیا حسین ایک بہترین فنکار ہیں۔ سونیا حسین نے ’مور‘ اور ’ایسی ہے تنہائی‘ جیسے کئی پروجیکٹس میں شاندار پرفارمنس دی۔ اپنے کیریئر میں بہت سے ایسے پروجیکٹس کا حصہ بن چکی ہیں جن میں سماجی مسائل پر غور کیا گیا ہو۔

سونیا حسین کا اگلا ڈرامہ بگ بینگ پروڈکشن کمپنی کے بینر تکے بنایا جارہا ہے۔ جس میں جنسی طور پر ہراساں کرنے اور ریپ جیسے سنگین معاملات جرائم پر نظر ڈالی جائے گی۔اس ڈرامے کی کہانی کا آغاز سونیا حسین کے کردار سے ہوگا۔ ایک سادہ سی لڑکی جو کم عمر لڑکیوں کو جنسی طور پر ہراساں کرنے کی گواہ ہوگی اور اس کے باوجود مجرموں کو اپنی آنکھوں کے سامنے آزاد گھومتا دیکھے گی۔ تاہم بعدازاں وہ ان لڑکیوں کے لیے انصاف حاصل کرنے لڑائی لڑے گی، اور لوگوں کو احساس دلائے گی کہ مل کر ان مجرموں کے خلاف باآسانی ایکشن لیا جاسکتا ہے۔

loading...

سونیا نے بتایا کہ یہ کردار میرے دل کے بہت قریب ہے۔ میں نے خود بہت سی خواتین کو مردوں کے ہاتھوں ہراساں ہوتے دیکھا ہے۔ میں چاہتی ہوں کہ تبدیلی آئے اور میں اس کے لیے اپنا کردار نبھا رہی ہوں۔ معاشرے میں تبدیلی آئے گی تو خواتین آزادی سے گھوم سکیں گی جب انہیں کسی قسم کا ڈر نہیں ہوگا اور نہ ہی ان پر کوئی الزام لگا پائے گا۔

اداکارہ سونیا حسین نے مزید کہا کہ ’مائیں، بیٹیاں، بہنیں اور بیویاں یہ ہمارے معاشرے کا اہم حصہ ہیں۔ ان کا احترام کرنا سب سے زیادہ ضروری ہے، میں چاہتی ہوں ہمارے ملک میں ایسا قانون بنے جہاں مجرم اس قسم کے جرائم کرنے سے قبل ان کی خطرناک سزاؤں سے ڈریں۔

مزید پڑھیں۔  مودی سے محبت کا اظہار کرکے نواز پی ٹی آئی کی مہم چلارہے ہیں،عمران خان

سونیا کے مطابق ’خوشی ہے کہ مجھے اس طرح کے پروجیکٹس آفر کیے جاتے ہیں، جن کے ذریعے میں اچھی طرح پرفارم کرسکوں۔ سونیا حسین اس ڈرامے میں مرکزی کردار ادا کررہی ہیں، جس میں محسن عباس، ثانیہ سعید، ساجد حسن اور طارق جمیل اہم کردار ادا کرتے نظر آئیں گے۔

Comments

comments

اپنا تبصرہ بھیجیں