ایشین گیمز: ہاکی سیمی فائنل میں جاپان نے پاکستان کو شکست دےدی

ایشین گیمز

جکارتہ: انڈونیشیا کے دارالحکومت جکارتہ میں منعقد ہونے والے ایشین گیمز ہاکی ایونٹ میں جاپان نے پاکستان کو ایک گول سے ہرا دیا۔

تفصیلات کے مطابق پاکستان ٹیم جاپان کا پہلے کوارٹر میں کیا گیا گول برابر نہ کر سکی، پاکستان کے خلاف جاپان کی 0-1 سے کام یابی پر بھارت کے بعد پاکستان بھی فائنل کی دوڑ سے باہر ہو گیا۔جاپان سے شکست کھا کر پاکستان نے اولمپکس میں براہِ راست کوالیفائی کرنے کا موقع ضائع کر دیا، ایشین گیمز میں گولڈ میڈل کی آخری امید بھی دم توڑ گئی۔

خیال رہے کہ اس ٹورنامنٹ میں پاکستان اور بھارت دو ایسی ٹیمیں تھیں جو اب تک اپنی زبردست کارکردگی کے باعث ناقابل شکست رہی تھیں، سیمی فائنل میں آ کر دونوں ٹیمیں مسلسل فتح کا ردھم کھو بیٹھیں۔ایشین گیمز ہاکی کا فائنل ملائیشیا اور جاپان کے درمیان ہوگا، دوسری طرف کانسی کے تمغے کے لیے مقابلہ سیمی فائنل تک ناقابل شکست رہنے والی ٹیموں پاکستان اور بھارت کے درمیان ہوگا۔

قومی ہاکی ٹیم کی شکست پر مینجر قومی ٹیم نے بھارتی امپائرز پر تنقید کرتے ہوئے کہا کہ سیمی فائنل میں بھارتی امپائرز نے جانب داری کا مظاہرہ کیا۔ مینجر حسن سردار نے کہا ’ویڈیو دیکھ کر تھرڈ امپائر کی جانب سے غلطی کرنا سمجھ سے بالاتر ہے، فیلڈ امپائر کی جانب سے دیا گیا فیصلہ تھرڈ امپائر نے غلط طور پر تبدیل کیا۔‘منیجر قومی ہاکی ٹیم حسن سردار نے الزام لگایا کہ بھارتی امپائر کی جانب سے متعدد فیصلے ہمارے خلاف دیے گئے۔

Spread the love

Comments

comments

مزید پڑھیں۔  وفاقی کابینہ کا دوسرا اجلاس کل ہوگا، ذرائع

اپنا تبصرہ بھیجیں