کیا نیو یارک پر خلائی مخلوق نے حملہ کر دیا؟

نیویارک: کچھ دن پہلے امریکی شہر کے باسیوں نے ایسا منظر دیکھا، جس نے پورے ملک میں سنسنی پھیلا دی۔

تفصیلات کے مطابق نیو یارک کے باسی اس وقت دنگ رہ گئے، جب انھوں نے ایک دھماکے کی آواز سنی اور پھر آسمان کا رنگ بدل گیا۔ دنیا کے جدید ترین شہر نے یہ حیرت انگیز منظر دیکھا کہ آسمان پر دھواں پھیل گیا ہے اور اس میں فیروزی رنگ کی روشنی جھلملا رہی ہے۔

یہ پریشان کن منظر ان فلموں کی یاد دلاتا تھا، جن میں خلائی مخلوق کو امریکی شہر پر حملہ کرتے ہوئے دکھایا جاتا ہے۔

The https://t.co/lpbZFFbmoR COSOCOM incident alert system triggered 21 minutes ago because of this explosion in Queens. pic.twitter.com/iwtKbfNtFk

— JΞSŦΞR ✪ ΔCŦUΔL³³º¹ (@th3j35t3r) December 28, 2018

شہریوں نے اپنی تشویش کا سوشل میڈیا پر اظہار کیا۔ کسی کا خیال تھا کہ یہ اڑن طشتری کی روشنیاں ہیں، جب کہ کچھ افراد نے فیس بک اور ٹویٹر پر اسے آسیبی قوتوں کی کارستانی قرار دیا۔

کچھ حلقوں کی جانب سے اسے مسیحا کے لوٹنے کا اشارہ بھی قرار دیا گیا۔

البتہ اس وقت ان تمام خبروں کا خاتمہ ہوگیا، جب نیو یارک پولیس ڈیپارٹمنٹ کا موقف سامنے آیا۔

نیوریاک پولیس نے اپنے ٹوئٹر اکاؤنٹ سے عوام کو  مطلع کیا کہ یہ نہ تو کوئی اڑن طشتری ہے، نہ ہی کوئی آسیبی مخلوق ہے، پولیس کا کہنا تھا کہ یہ روشنی ایسٹوریا کے علاقے میں واقع کان ایڈیسن بجلی گھر میں جنریٹر کے دھماکے  کا نتیجہ ہیں۔

مزید پڑھیں: وہ شہر جسے ”ریپ“ اور “شہد” کا دارالحکومت کہا جاتا ہے! لیکن کیوں؟

اس اعلان کے بعد سراسیمگی ختم ہوئی اور عوام کی زندگی معمول کی سمت لوٹ آئی۔