نہ پارٹی میں کوئی اختلاف ہے نہ حکومت کہیں جا رہی ہے: فواد چوہدری

فواد چوہدری
Loading...

اسلام آباد: وفاقی وزیر برائے سائنس اور ٹیکنالوجی فواد چوہدری نے کہا ہے کہ پارٹی میں کوئی اختلاف ہے نہ حکومت کہیں جا رہی ہے۔

تفصیلات کے مطابق فواد چوہدری نے سماجی رابطے کی ویب سائٹ ٹویٹر پر اپنے تازہ پیغام میں کہا ہے کہ حکومت کہیں نہیں جا رہی ہے، پارٹی میں کوئی اختلاف نہیں ہے۔

انھوں نے ٹویٹ میں جہموریت اور عمران خان کو لازم و ملزوم قرار دیتے ہوئے لکھا کہ ہمارا اتفاق ہے جمہوری نظام کی کام یابی کے لیےعمران خان کی کام یابی ضروری ہے۔

فواد چوہدری نے کہا کہ نظر دوڑائیں ہمارے ساتھ آزاد ہونے والے ممالک کہاں کھڑے ہیں؟ تب احساس ہو گا کہ اس عرصے میں ہم نے کیا کھویا اور کیا پایا۔

دریں اثنا ایک اور ٹویٹ میں انھوں نے ماضی کی حکومتوں پر شدید تنقید کرتے ہوئے لکھا کہ سِول ادارے آج مکمل تباہ شدہ حالت میں ہیں، جس ادارے کا جائزہ لیں معلوم ہوگا کہ میرٹ کے اصولوں کو بالائے طاق رکھ کر اقربا پروری اور سفارش کے ذریعے ان اداروں کو تباہ کیا گیا۔

loading...

ن لیگی رہنماؤں نے تحریک انصاف کی 10 ماہ کی کارکردگی پر وائٹ پیپر جاری کردیا

سائنس اور ٹیکنالوجی کے وزیر کا کہنا تھا کہ ایک دو سالوں میں ان اداروں میں بہتری کی کوئی توقع نہیں، وزیر اعظم کو ایک ریزہ ریزہ نظام ملا ہے وہ اس نظام کو کھڑا کرنے کی کوشش کر رہے ہیں۔

خیال رہے کہ گزشتہ روز ایک انٹرویو میں فواد چوہدری نے پارٹی فیصلوں پر تنقید کی، کہا پارٹی سے کہا تھا شہباز شریف کو چیئرمین پی اے سی نہ لگائیں، میرے کہنے کے باوجود انھیں چیئرمین پی اے سی بنایا گیا، اس وقت پارٹی میں منتخب اورغیر منتخب افراد کی جنگ ہے، فیصلے منتخب افراد کو ہی کرنے چاہییں۔

انھوں نے کہا تھا کہ پارٹی کے فیصلوں میں سیاسی کم زوریاں رہیں جن میں بہتری کی ضرورت ہے۔

(Visited 15 times, 1 visits today)
Loading...
Advertisements

Comments

comments

اپنا تبصرہ بھیجیں