کپتان بنتے ہی بابر اعظم غصے میں آگئے، ویڈیو وائرل

بابر اعظم
Loading...

کینبرا: پاکستان اور آسٹریلیا کے درمیان دوسرے ٹی ٹوینٹی میچ کے دوران کپتان بابر اعظم غصے میں آگئے جس کی ویڈیو سوشل میڈیا پر وائرل ہوگئی۔

تفصیلات کے مطابق پاکستان اور آسٹریلیا کے درمیان کینبرا میں کھیلے گئے دوسرے ٹی ٹوینٹی میچ میں کپتان بابر اعظم کو اس وقت غصہ آگیا جب 12ویں اوور میں آصف علی غلط شاٹ کھیل کر اپنی وکٹ گنوا بیٹھے۔

کرکٹ آسٹریلیا کے ٹویٹر اکاؤنٹ پر جاری کی گئی ویڈیو میں دیکھا جاسکتا ہے کہ آصف علی کے آؤٹ ہونے پر بابراعظم کس طرح اپنے غصے کا اظہار کررہے ہیں۔

دوسرے ٹی ٹوینٹی میں پاکستانی ٹیم کی اننگز کے دوران جب اسکور 62 رنز تھا اور وکٹ پر پاور ہٹر آصف علی اور بابر اعظم موجود تھے تو بابر اعظم ایک اچھی پارٹنر شپ چاہتے تھے لیکن آصف علی نے اسپنر ایشٹن اگر کی گیند پر غلط شاٹ کھیل دیا جس کے نتیجے میں وہ کیچ آؤٹ ہوگئے جس پر بابر اعظم نے ناراضگی کا اظہار کیا۔

اسلام آباد یونائیٹڈ کے ڈین جونز کوچنگ سے برطرف

آسٹریلیا کے خلاف تیسرے ٹی ٹوینٹی میچ کے لیے قومی ٹیم پرتھ پہنچ گئی ہے، تیسرے میچ میں ناکام کھلاڑیوں کی جگہ نئے کھلاڑیوں کو موقع دئیے جانے کا امکان ہے۔

واضح رہے کہ پاکستان اور آسٹریلیا کے درمیان پہلا ٹی ٹوینٹی میچ بارش کی وجہ سے بے نتیجہ رہا تھا جبکہ دوسرے ٹی ٹوینٹی میچ آسٹریلیا نے پاکستان کو 7 وکٹوں سے شکست دے کر سیریز میں 1-0 کی برتری حاصل کرلی ہے، دونوں ٹیموں کے درمیان تیسرا ٹی ٹوینٹی میچ 8 نومبر کو کھیلا جائے گا۔

(Visited 114 times, 1 visits today)
Loading...
Advertisements

Comments

comments

اپنا تبصرہ بھیجیں