وزیر اعظم عمران خان کے ویژن کے مطابق پاکستان کو ”کلین اینڈ گرین“ بنا کردم لیں گے۔

آنے والی نسلوں کےلئے کام کررہے ہیں تاکہ ان کو صاف ستھری آب ہوا میسر ہو سکے: اسسٹنٹ ڈائریکٹرجنرل پی ایچ اے کی روزنامہ ’آج کل‘ سے گفتگو

لاہور: پارکس اینڈہارٹیکلچر اتھارٹی (پی ایچ اے) کی اسسٹنٹ ڈائریکٹرجنرل نورش عمران نے کہا ہے کہ ماضی میں پی ایچ اے کا فوکس موسمی پھولوں کی طرف رہا ہے،درختوں کی جانب ہمارا رحجان کم تھا،، اب شہر کو خوبصورت بنانے کے لئے دیر پا اور ماحول دوست شجر کاری کر رہے ہیں۔ مون سون کے سیزن میں 2 لاکھ درخت لگانے کا ٹارگٹ ہے جس میں سے 40ہزار پودے لگانے میں کامیاب ہو چکے ہیں۔ ان خیالات کااظہار انہوں نے گزشتہ روز روز نامہ ” آج کل “سے خصوصی گفتگوکرتے ہوئے کیا ۔نورش عمران کا کہنا تھا ماضی میں کبھی بھی 40ہزار سے زیادہ پودوں کی شجر کاری نہیں کی گئی، اس دفعہ صر ف مون سون میں دولاکھ پودے لگائے جائیں گے۔

وزیراعظم کا خصوصی افراد کیلئے صحت سہولت پروگرام کا آغاز

انہوں نے کہا کہ ماحول دوست پودوں کارزلٹ نمائشی پودوں کی نسبت دیر سے سامنے آتا ہے ،ہم فوری رزلٹ کی بجائے آنے والی نسلوں کے لئے کام کررہے ہیں تاکہ ان کو صاف ستھری آب ہوا میسر ہو سکے۔ نورش عمران کا کہنا تھا وزیر اعظم عمران خان کے ویژن کے مطابق پاکستان کو ”کلین اینڈ گرین“ بنا کردم لیں گے۔ ایک سو ال کے جواب میں ان کاکہناتھا پی ایچ اے کی طرف سے شروع کی گئی شجر کاری مہم کارزلٹ سو فیصد ہے کیوں کہ ہم پودے نہیں درخت لگا رہے ہیں جن کاسائز پانچ سے چھ فٹ ہے،اس سائز کا پود اہر قسم کے موسمی حالات کا سامنا کرنے کی پوزیشن میں آچکا ہوتا ہے۔

نورش عمران کا مزید کہنا تھا کہ پی ایچ اے کے پاس اپنے سات سے آٹھ ہزار مالی ہیںجو ہمہ وقت پودوں کی نگرانی کریں گے۔ انہوں نے کہا کہ مون سون کی مہم میں مختلف کمپنیاں پودے فراہم کررہی ہیں۔ سول سوسائٹی اور صنعتکاروں کی مدد سے شجرکاری کر رہے ہیں. اس کے علاوہ ہم اپنی نرسریوںکی استعداد بڑھانے پر بھی کام کر رہے ہیں۔

اے ڈی جی کا کہنا تھا کہ پی ایچ اے کا کام صر ف پودے لگانا ہے لیکن عوام کی مدد اور تعاون کے بغیر ماحولیاتی آلودگی کو ختم نہیں کیا جاسکتا. اسی لئے عوام میں آگاہی مہم بھی چلا رہے ہیں کہ وہ اپنے آس پاس کے ماحول کو صاف ستھرا رکھیںاور آلودگی سے بچائیں۔ انہوں نے کہا کہ پی ایچ اے نے تمام یعنی7 زونز میں آو¾ ٹ لیٹ بنا کر عوام میں مفت پودے تقسیم کرنے شروع کردیئے ہیں، اس کے علاوہ تین موبائل یونٹ بھی ہونگی جو مفت پودے تقسیم کریں گی اس سلسلے میں گزشتہ روز وزیر اعلیٰ پنجاب عثمان بزدار نے اپنے ہاتھ سے پودے تقسیم کرکے افتتاح کردیا ہے ۔ انہوں نے کہا ہم نے لاہور میں درختوں کی تعداد کو پورا کرنا ہے،اس کی کھوئی ہوئی شناخت کو بحال کرنا ہے اسے باغوں کا شہر بنانا ہے۔