خلائی مخلوق یا الوّ کے بچے؟ ویڈیو کی حقیقت سامنے آگئی

خلائی مخلوق یا ایلین کا تذکرہ قصوں کہانیوں اور فلموں تک محدود ہے البتہ حال ہی میں سوشل میڈیا پر وائرل ہونے والی ویڈیو میں نظر آنے والے دو بچوں کو صارفین نے خلائی مخلوق قرار دے دیا۔

کوئی کتنا ہی بہادر انسان کیوں نہ ہو اُسے جب اپنے ارد گرد عام طور پر نظر نہ آنے والی چیز دکھائی دے تو اُسے کچھ وقت کے لیے خوف ضرور آتا ہے۔ ایلین کا خدوخال ہمارے ذہنوں میں فلموں اور ڈراموں کی وجہ سے نقش ہے یہی وجہ ہے کہ ویڈیو میں نظر آنے والے بچوں کو صارفین نے خلائی مخلوق قرار دیا۔

سوشل میڈیا پر وائرل ہونے والی ویڈیو دراصل الو کے بچوں کی ہے، جسے ڈینل ہالینڈ نے اپنے ٹویٹر اکاؤنٹ پر شیئر کیا۔ انہوں نے ویڈیو شیئر کرتے ہوئے کہا کہ ’میں اب اُن لوگوں کے نقطہ نظر کی تائید کرتا ہوں جن کا ماننا تھا کہ الو کے بچے خلائی مخلق کی طرح نظر آتے ہیں‘۔

I’m now positive that people who claim to have seen aliens have actually just seen baby owls. pic.twitter.com/CAr65NG9qR

— Daniel Holland (@DannyDutch) November 14, 2019

الوّ ایک ایسا پرندہ ہے جسے دیکھ کر بیشتر لوگ مختلف وجوہات کی بنا پر خوف میں مبتلا ہوجاتے ہیں اسی وجہ سے صارفین نے ویڈیو دیکھ کر انہیں خلائی مخلوق کے بچے ہی قرار دیا۔