کراچی میں مچھر بنا خطرے کی علامت،مگر کیوں؟

کراچی
Loading...

کراچی: ڈینگی سرویلنس سیل کا کہنا ہے کہ کراچی میں ڈینگی کے مزید 167 نئے کیس جبکہ سندھ کے دیگر اضلاع سے 10 نئے کیس رپورٹ ہوئے ہیں۔

تفصیلات کے مطابق ڈینگی سرویلنس سیل کا کہنا ہے کہ صوبہ سندھ کے دارالحکومت کراچی میں گزشتہ 24 گھنٹوں کےدوران ڈینگی کے 167 کیس رپورٹ ہوئے ہیں۔اس وجہ سے اس مرض میں مبتلا افراد کی تعداد میں اضافہ ہو رہا ہے.

سرویلنس سیل کا کہنا ہے کہ رواں ماہ کراچی میں ڈینگی سے متاثرہ افراد کی تعداد 1500 سے تجاوز کر گئی، رواں ماہ صرف 10 دن میں 1517 کیسز رپورٹ ہوئے جبکہ رواں ماہ پورے سندھ میں 1641 کیس سامنے آئے۔

ڈینگی سرویلنس سیل کے مطابق رواں سال کراچی میں ڈینگی سے متاثرہ افراد کی تعداد 4 ہزار 563 ہوگئی ہے جبکہ پورے سندھ میں 4 ہزار 858 افراد ڈینگی سے متاثر ہو چکے ہیں۔

Loading...

خیال رہے کہ ملک بھر میں ڈینگی کے مجموعی کیسز کی تعداد 22 ہزار سے تجاوز کر گئی ہے۔ دارالحکومت اسلام آباد میں گزشتہ 24 گھنٹے میں 565 افراد میں ڈینگی کی تصدیق ہوئی۔

وزیر اعظم کے معاون خصوصی برائے صحت ظفر مرزا کا کہنا ہے کہ ڈینگی کے خاتمے کے لیے مؤثر اقدامات کیے جا رہے ہیں، ڈینگی کے مریضوں کو مفت طبی سہولیات فراہم کی جارہی ہیں۔

ان کے مطابق اب تک 19 ہزار مریض بہترین طبی سہولیات کی فراہمی کے بعد ڈسچارج ہو چکے ہیں۔

(Visited 56 times, 1 visits today)
Loading...
Advertisements

Comments

comments

اپنا تبصرہ بھیجیں