سمبا کے بعد رنویر سنگھ کی ایک اور فلم تحلقہ مچانے کو تیار

رنویر سنگھ

بولی وڈ جوشیلے اداکار رنویر سنگھ کا ہندی سینما میں یقیناً بہترین وقت چل رہا ہے، کیوں کہ وہ ایک کے بعد دوسری بہترین فلم کا حصہ بن رہے ہیں۔

گزشتہ سال فلم ’پدماوت‘ اور ’سمبا‘ کی شاندار کامیابی کے بعد اب رنویر سنگھ کی نئی فلم ’گلی بوائے‘ بھی جلد ریلیز ہونے والی ہے۔

اور اب اس فلم کا پہلا گانا ’اپنا ٹائم آئے گا‘ ریلیز کردیا گیا ہے۔

’گلی بوائے‘ کے ٹیزر اور ٹریلر دونوں کو ہی شائقین کا بہترین ردعمل موصول ہوا تھا۔

اور اب اس کا گانا ’اپنا ٹائم آئے گا‘ بھی اچھے ریویوز بٹور رہا ہے۔

اس گانے کو ڈیوائن نامی ریپر اور انکر تیواری نے تحریر کیا، جبکہ اس کی گلوکاری خود رنویر سنگھ نے کی ہے۔

مزید پڑھیں:دپیکا پڈوکون کا اپنا نام بدلنے سے انکار

گانے کی کمپوزیشن ڈب شرما اور ڈیوائن نے ہی کی۔

فلم ’گلی بوائے‘ میں رنویر سنگھ کے ساتھ عالیہ بھٹ مرکزی کردار نبھاتی نظر آئیں گی۔

اس فلم کی ہدایات زویا اختر نے دی ہے، جبکہ اس کی پروڈکشن ٹائگر بےبی اور ایکسل انٹرٹینمنٹ کے بینر تلے کی گئی۔

یہ زویا اختر اور رنویر سنگھ کی ایک ساتھ دوسری فلم ہے، اس سے قبل یہ دونوں 2015 کی کامیاب فلم ’دل دھڑکنے دو‘ میں کام کرچکے ہیں۔

فلم ’گلی بوائے‘ بھارت کی سڑکوں پر گھومنے والے ان نوجوانوں کی کہانی ہے جنہیں ریپر (rapper) بننے کا شوق تھا۔

فلم ’گلی بوائے‘ رواں سال 14 فروری کو دنیا بھر میں نمائش کے لیے پیش کی جائے گی۔

Comments

comments

اپنا تبصرہ بھیجیں