سوال ہی پیدا نہیں ہوتا عمران خان پانچ سال نکال سکیں: آصف زرداری

آصف زرداری
Loading...

بدین: سابق صدر اور پیپلزپارٹی کے شریک چیئرمین آصف زرداری نے پیشگوئی کی ہے کہ سوال ہی پیدا نہیں ہوتا عمران خان پانچ سال نکال سکیں۔

بدین میں جلسے سے خطاب کرتے ہوئے آصف زرداری نےکہا کہ ہم نے ہمیشہ غریبوں کے حقوق کی بات کی اور جدوجہد کی، سازش ہمارے خلاف نہیں، سازش عوام کے خلاف ہے،ان کی جنگ مجھ سے صرف 18 ویں ترمیم پر ہے۔

انہوں نے کہاکہ زمین ختم ہوگئی، اب یہ چاہتے ہیں کہ گیس اور ذخائر لے لیں، ہمیں اتنا دیوار سے مت لگاؤ کہ عوام میرے ہاتھ میں نہ رہیں، سندھ کے عوام بہت باشعور ہیں۔

Loading...

سب کو معلوم ہونا چاہیے ماضی میں کیا ہوتا رہا ہے. علی محمدخان

سابق صدر کا کہنا تھاکہ آپ کے الیکشن کو ملک میں کوئی نہیں مانتا، یہ نہ عوام سے آئے ہیں نہ ان کا عوام میں دوبارہ جانے کا ارادہ ہے، آپ کو علم ہی نہیں ڈالر اوپر جارہا ہے، اب سلیکٹڈ وزیراعظم بن ہی گئے ہو تو کچھ سیکھ لو۔

آصف زرداری نے پیشگوئی کی کہ پورا پاکستان سن لے، عمران خان پانچ سال نہیں نکال سکتے، سوال ہی پیدا نہیں ہوتا، ان سب کو ہم سنبھال لیں گے اور سب کا مقابلہ کرلیں گے۔

(Visited 23 times, 1 visits today)
loading...
Advertisements

Comments

comments

اپنا تبصرہ بھیجیں