وزیراعظم عمران خان کی بڑی کامیابی ، بھارت پاکستان سے مذاکرات پر آمادہ

بھارت

اسلام آباد: پاکستان کی قیام امن کے لیے مذاکرات کی پیش کش پر بھارت کی جانب سے آمادگی ظاہر کرتے ہوئے مثبت جواب دیا گیا ہے۔

وزیراعظم عمران خان اور وزیر خارجہ شاہ محمود قریشی نے اپنے ہم منصبوں کو عہدہ سنبھالنے پر مبارکباد دی تھی جس کے جواب میں بھارت کی جانب سے باقاعدہ اور باظابطہ سفارتی چینلز کے ذریعے پاکستان کو دو خطوط منگل کو موصول ہوئے۔

ذرائع کے مطابق بھارت نے پاکستان کی قیام امن کیلئے مذاکرات کی پیشکش پر مثبت جواب دیا، پاکستان نے کشمیر، دہشت گردی سمیت تمام مسائل پر مذاکرات کی پیش کش کی تھی۔

بھارت کی جانب سے موصول ہونے والے خطوط میں پاکستان اور بھارت کے درمیان جامع اور ازسرنو مذاکرات کی بات کی گئی ہے۔

loading...

ذرائع کے مطابق خط کے متن میں کہا گیا ہے کہ بھارت خطے کے تمام ممالک کے ساتھ تعلقات کا خواہاں ہے اور خطے میں امن اور ترقی چاہتا ہے۔ خط کے متن کے مطابق بھارت نے ہمیشہ عوام کی ترقی اور امن کو ترجیح دی ہے اور پاکستان کی طرف سے بھی اس جذبے کو سراہا گیا ہے۔

ملتان : سی ٹی ڈی سے مقابلہ، کالعدم تنظیم کے دو دہشت گرد ہلاک،

خط کے متن میں مزید کہا گیا ہے کہ بھارت پاکستان سمیت تمام ممالک سے جامع مذاکرات کے لیے تیار ہے، مذاکرات میں دہشت گردی کے مدعے پر خصوصی توجہ ہو۔

ذرائع کا کہنا ہے کہ وزیراعظم عمران خان اور وزیر خارجہ شاہ محمود قریشی بھارتی ہم منصبوں کے خطوط کا جلد جواب دیں گے۔

(Visited 14 times, 1 visits today)

Comments

comments

اپنا تبصرہ بھیجیں