پی سی بی نے بھارت کیخلاف سخت مؤقف اپنانے کا فیصلہ کرلیا

پی سی بی
Loading...

لاہور: پی سی بی نے آئی سی سی اجلاس میں بھارت کے خلاف سخت مؤقف اپنانے کا فیصلہ کرلیا، بھارتی بورڈ کا آئی سی سی سے مطالبہ قانون کے مطابق نہیں۔

تفصیلات کے مطابق پاکستان کرکٹ بورڈ نے آئی سی سی اجلاس میں اپنا مضبوط مؤقف پیش کرنے کا فیصلہ کیا ہے، اس حوالے سے پی سی بی ذرائع کا کہنا ہے کہ پی سی بی آئی سی سی کے اجلاس میں بھارتی مؤقف کو یکسر مسترد کرے گا۔

ورلڈ کپ کیلئے کوالیفائی ٹیم کو دوسری ٹیم ایونٹ سے دور نہیں رکھ سکتی، کیونکہ بھارتی بورڈ کا آئی سی سی سے مطالبہ قانون کے مطابق نہیں۔

ذرائع پی سی بی کا مزید کہنا ہے کہ وزیراعظم عمران خان پلوامہ حملہ کی مذمت کے ساتھ بھارت سے الزامات کے متعلق شواہد مانگ چکے ہیں، وزیر اعظم کہہ چکے ہیں کہ شواہد دئیے جاتے تو پاکستان کارروائی کو تیار ہے۔

Loading...

پی سی بی نے پاک بھارت سیریز تنازع سے متعلق جواب آئی سی سی میں جمع کرادیا

اس کے علاوہ آئی سی سی اجلاس میں کپتان سرفراز احمد کی سزا کا معاملہ بھی اٹھایا جائے گا کیونکہ مصالحتی عمل کے دوران سرفراز احمد پر چار میچوں کی پابندی لگا کر غلط مثال قائم کی گئی۔

ذرائع کا کہنا ہے کہ پی سی بی کوڈ میں نسل پرستانہ معاملات پر مصالحت کا آپشن موجود ہے، آئی سی سی بھی نسل پرستانہ معاملات پر کوڈ بنائے۔

ذرائع کے مطابق اجلاس میں آئی سی سی رکن ممالک سے سینئر،جونیئر ٹیموں کو پاکستان آنے کی دعوت دی جائے گی، آئی سی سی چیف ایگزیکٹیوز اجلاس 26 اور 27 فروری کو ہوگا جبکہ آئی سی سی کی بورڈ میٹنگ یکم اور دو مارچ کو ہوگی۔

(Visited 14 times, 1 visits today)
Loading...
Advertisements

Comments

comments

اپنا تبصرہ بھیجیں