وزیراعظم کل 5 فروری کو آزاد کشمیر کا دورہ کریں گے

میرپور آزاد کشمیر: وزیراعظم عمران خان 5 فروری کو آزاد کشمیر کا دورہ کریں گے۔

تفصیلات کے مطابق صدر پی ٹی آئی آزاد کشمیر نے کہا ہے کہ وزیراعظم پانچ فروری کو آزاد کشمیر کا دورہ کریں گے، سلطان محمود کا کہنا ہےکہ وزیر اعظم 5 فروری کو قانون ساز اسمبلی کے مشترکہ سیشن سے خطاب کریں گے۔

بیرسٹر سلطان محمود کے مطابق وزیراعظم عمران خان 6 فروری کو ایک جلسے سے بھی خطاب کریں گے، یہ جلسہ آزاد کشمیر کی تاریخ کا سب سے بڑا جلسہ ہوگا، جس میں آزاد کشمیر کے وزیر اعظم سمیت تمام لیڈر شریک ہوں گے، کشمیری عوام وزیر اعظم کا تاریخ ساز استقبال کریں گے۔

وزیراعظم عمران خان کی ملائشین ہم منصب سے ملاقات، باہمی امور پر تبادلہ خیال

خیال رہے کہ یہ جلسہ بھارت کے ہاتھوں ظلم کا شکار کشمیریوں کے ساتھ اظہار یک جہتی کے طور پر منعقد کیا جا رہا ہے، جلسے کے لیے تمام انتظامات بھی کر لی گئی ہیں۔

وزیر اعظم عمران خان نے کور کمیٹی کے اجلاس میں 5 فروری کو کشمیر ڈے بھرپور انداز میں منانے کی ہدایت کرتے ہوئے کشمیریوں سے اظہار یک جہتی کے لیے ملک بھر میں تقریبات کا فیصلہ کیا تھا اور کہا تھا کہ کشمیری بہن بھائیوں کی آواز دنیا بھر میں اٹھائیں گے، آر ایس ایس نظریے کو عالمی سطح پر بے نقاب کرنا ہوگا۔

یاد رہے کہ وزیر اعظم 15 جنوری کو بھی آزاد کشمیر گئے تھے، جہاں انھوں نے لینڈ سلائیڈنگ اور شدید برف باری سے متاثرہ علاقوں کا دورہ کیا، اور مظفر آباد اسپتال میں زخمیوں کی عیادت کی تھی۔

Leave a Reply